ایران رگیون‌دا گرگین‌لییی آرتیرماغا چالیشمیر.

Axar.az خبر وئریر کی، بو سؤزلری ایران خاریجی ایشلر ناظیرلیینین سؤزچوسو ناصر کنعانی بو گون کئچیردیی هفته‌لیک مطبوعات کنفرانسین‌دا دئییب.

او، ایرانین گوجلو و تهلوکه‌سیزلیک یارادان قوه اولدوغونو دئیه‌رک، ایسرایله هوجومو ایرانین اؤزونو مدافعه حقوقو پرینسیپلرینه اویغون اولدوغونو ادعا ائدیب:

"تهلوکه‌سیزلیک شوراسینین لازیمی آددیم آتماماسینی و آمریکا، اینگیلتره و فرانسانین مسئولیت‌سیز داورانیشی نتیجه‌سینده ایران اؤز تهلوکسیزلیینی و ملی ماراقلارینی مدافعه ائتمک اوچون حرکت ائدیب"،- دئیه، کنعانی اسرائیله راکت و پوا هجومونا براعت قازاندیرماغا چالیشیب.

او، همچینین ایران حکومتینین قطیعت‌لی آددیم آتاجاغینی بیلدیریب:

«ایران بیرلشمیش ملتلر تشکیلاتینین نظامنامه‌سینه صادق قالاراق، قیرمیزی خطلریمیزی کئچمک ایسته‌یه‌ن تجاووزکارین قارشی‌سینی آلماق و جزالاندیرماق اوچون قطیعت‌لی آددیم آتاجاق».

خخاریجی ایشلر ناظیرلییینین سؤزچوسو دئییب کی، ایرانین عملیاتلاری، ائلجه ده غرب رسمیلرینین ایرانا جواب وئریلمه‌سی باره‌ده بیاناتلاری، همچینین آمریکانین مسئله ایله باغلی موقعینین ندن عبارت اولماسی باره‌ده فکر سؤیله‌مک تئزدیر.