آنا صحیفه توپلوم |
دونیانین ۴۸ اؤلکهسینین بیرلشمیش میللتلر تشکیلاتینداکی دایمی نمایندهلری بیرگه بیانات یایاراق، ایرانین اسرائیله پوا و رائت هوجومونو پیسلهییب.
Axar.az خبر وئریر کی، بو بارهده دونیا مئدیاسی معلومات یاییب.
بیاناتدا بو هجوم تهران رژیمی و اونون پروکسی قوهلرینین تهلکهلی و ثابتلیگی پوزان حرکتلرینین سون نمونهسی حساب ائدیلیب:
«بیز بیرمعنالی شکیلده اسلام رسپوبلیکاسی و اونون پروکسی سلاحلی قوهلرینین اسرائیله قارشی ۱۳ آپرئل هجوملارینی پیسلهییریک. قید ائدک کی، بیر نئچه یوز باللیستیک و قانادلی راکتین و پیلوتسوز هجوم طیارهلرینین بیر نئچه هدفه آتیلماسینی احتیوا ائدن بو کوتلوی هجوم جدی زیان و انسان ایتکیسینه سبب اولا بیلردی»،- بیاناتدا دئییلیب.
بیاناتی امضالایان اؤلکهلرین نمایندهلری ایرانین آتدیغی راکتلرین اسرائیل ایله قونشو اولان باشقا بیر نئچه اؤلکهنین ده هاوا مکانینی پوزدوغونو، همین اؤلکهلرین وطنداشلارینین حیاتینی تهلوکهیه آتدیغینی یازیبلار.
«اسلام رسپوبلیکاسینین هجوموندان مدافعه مقصدی ایله اوغورلو علاقلهلندیریلمیش سعیلردن سونرا رئگیوندا زوراکیلیغین آرتماسینین قارشیسینی آلینماسی جهدلرینی آلقیشلاییریق. بوتون علاقهدار طرفلری وضعیتین داها دا گرگینلشمهسینین قارشیسینی آلماق اوچون آددیملار آتماغا چاغیریر، تهلکهسیزلیک شوراسینین قطعنامهلرینین تام یئرینه یئتیریلمهسینی طلب ائدیریک. رئگیونداکی بوتون گرگینلیگی آرادان قالدیرماق اوچون دیپلماتیک امکداشلیغیمیزی گوجلندیرجهییک»،- بیاناتدا وورغولانیب.
بیانات مولفلری، همچینین آپرئلین ۱۳-ده هرمز بوغازی یاخینلیغیندا پرتوقالییا بایراغی آلتیندا اوزن تجارت گمیسینین ایران طرفیندن قانونسوز اله کئچیریلمهسینی پیسلهییب، تهران حکومتینی گمینی و اونون بینالخالق ائکیپاژ هئیتینی درحال آزاد ائتمهیه چاغیریربلار.
تاریخ
2024.04.18 / 10:23
|
مولف
Axar.az
|