آنا صحیفه کولت |
مایین ۱-ی دونیانین اکثر اؤلکهلرینده زحمتکئشلرین بینالخالق همرایلیک بایرامی کیمی قید ائدیلیر.
Kult.az خبر وئریر کی، بو بایرامین تاریخی فهلهلرین آبش-دا کئچیردیی اعتراض آکسییاسیندان باشلاییر.
۱۸۹۶-جی ایلده مایین ۱-ده آمریکانین شیکاگو شهرینده ۳۰۰ میندن چوخ فهله هر گون ۱۰-۱۵ ساعت ایشلهمهلرینه اعتراض ائدرک نماییشه چیخیب، ۸ ساعتلیق ایش گونو و استراحت حقوقو طلب ائدیب. تعطیل قیسا مدتده آمریکانین دیگر صنایع مرکزلرینه ده یاییلیب.
سونرالار آوروپانین ایری شهرلرینده، او جملهدن روسییادا دا فهله تعطیللری باشلاییب.
اوچ ایل سونرا، ۱۸۸۹-جو ایلده فهله پارتییالارینین بینالخالق بیرلییی- ایکینجی اینترناسیونالین اشتراکچیلاری پاریس کنگرسینه توپلاشاراق ۱ مای گونونو بوتون دونیا فهلهلرینین همرایلیک گونو اعلان ائدیبلر. دونیادا ایلک دفعه ۱۸۹۰-جی ایلده بو بایرامی قید ائدیبلر.
بونونلا دا فهلهلرینین تعطیل اعلان ائتدیی ۱ مای تاریخی زحمتکشلر گونو کیمه تاریخه دوشوب.
آذربایجان اس.اس.ار.ای-نین ترکیبینده اولدوغو دورلرده، ۱۹۲۰-۱۹۹۱-جی ایللرده ۱ مای اؤلکهمیزده ده رسمی بایرام کیمی قید ائدیلیب.
۱۹۹۲-جی ایلده آذربایجان حکومتی بو بایرامی توتالیتار قورولوشون ایدئولوژی آتریبوتو کیمی لغو ائدیب.
حاضردا ۱ مای دونیانین ۶۷ اؤلکهسینده ایشچی بایرامی گونو کیمی قید ائدیلیر. تورکییهده ده بینالخالق امک گونو تاکسیم میدانیندا بؤیوک جوشقو ایله قید اولونور.
تاریخ
2024.05.01 / 11:20
|
مولف
اسماعیلووا سوزانا
|