آنا صحیفه پلانت |
تهراندا ایرانین معاصر تاریخی تدقیقات مرکزینده «جنوبی قفقازدا صهونیزم تهلوکهسی» آدلی کنفرانسدا «آوراسییادا آنقلوساکس دوزهنینین ایشیغیندا پانتورکیزم و صهونیزمین علاقهسی» موضوعسوندا چیخیشلار ائدیلیب.
Axar.az خبر وئریر کی، بو بارهده ایران مئدیاسی معلومات یاییب.
تدبیرین اساس معروضهچیسی تهران اونیورسیتتینین بینالخالق حقوق اوزره پروفسورو احمد کاظمی نوبتی دفعه آذربایجان رسپوبلیکاسینا قارشی بهتانلار سسلندیریب.
او، تورک دولتلر تشکیلاتینین یارادیلماسینی «صهونیسم و آنقلوساکس پلانی» آدلاندیریب، خریستیان-سیون فنومنی اولدوغو کیمی، ایندی ده مسلمان-صهیون فنومنینین یارادیلماسینا چالیشیلدیغینی ادعا ائدیب:
«آنقلوساکس دوزهنینین مقصدی روسییا دوزهنینین داغیدیلماسی، ایران دوزهنینین قارشیسینین آلینماسی، قفقاز و اورتا آسییادا چین دوزهنینین یارادیلماسینا مانع اولماقدیر. نیکول پاشینیانین حاکمیته گلمهسی، ایکینجی قاراباغ محاربهسینین باش وئرمهسی ده یوخاریدا قید اولونان پلانین ترکیب حیصهسیدیر. بوندان سونرا ارمنیستانین جنوب بؤلگهسینین بو اؤلکهدن قوپاریلماسی پلانلاشدیریلیر»، - احمد کاظمی دئییب.
چیخیشیندا قاراباغین اشغالدان آزاد اولونماسیندان ناراحاتلیق کئچیردیی حس اولونان تدقیقاتچی آذربایجان رسپوبلیکاسینین صهونیزمین بازاسینا چئوریلدیینی ادعا ائدیب. او، ایران رسمیلرینین جنوبی قفقازدا وهابیلیین یاییلماسی بارهده ادعالارینی تکرارلاییب، آذربایجان رسپوبلیکاسینین بو مسئلهده اساس رول اوینادیغینی سؤیلهییب:
«بوتون بونلاردا مشترک مقصد پانازرایلری تورانلاشدیرماق و آذربایجانلیلارین اصل ایرانلی کیملیینی محو ائتمک، ارمنی سویقیریمی بارهده حقیقتلری اؤرت-باسدیر ائتمک، فارس دیلی، مدنیتینی ضعیفلتمک، آرادان قالدیرماقدیر».
تاریخ
2024.05.01 / 11:01
|
مولف
جاویدان
|