غربی آذربایجان ایالتینین اورمیا شهرینده زوراکیلیغا معروض قالان قادین و قیزلار اوچون «مهر شمس‌آفرید» سیغیناجاغی و مدافعه مرکزی باغلانیب.

Axar.az بیلدیریر کی، بو حاقدا گونئی‌لی سیاسی محبوس و ملی فعال عباس لسانی‌نین تلگرام کانالی معلومات یاییب.

معلوماتا گؤره، مرکزین باغلانماسی خبرینی موسسه‌نین رهبری، قادین حقوقلاری مدافعه‌چی‌سی فاطمه باباخانی آپرلین ۲۶-دا «X» حسابیندا یازیب:

«مهر شمس‌آفرید» غیر-حکومت سیغیناجاغی، زوراکیلیغا معروض قالان قادینلار اوچون کیچیک بیر مرکز و جانیمیزدان داها دیرلی اولان سیغیناجاق باغلاندی».

قید ائدک کی، تهلوکه‌سیزلیک قوروملاری بیر نئچه ایل اؤنجه مرکزین باغلاناجاغی ایله باغلی خبردارلیق ائد‌رک، تضییق گؤستریبلر.