آنا صحیفه توپلوم |
گونئی آذربایجاندا تاریخی عابده و مدنی ارثه لاقیدلیک نتیجهسینده ضرر گؤرهن چوخسایلی نمونهلردن بیری ده ماراغا شهرینین خانقاه کندینده یئرلشهن تاریخی حاجی محمد باغیر کؤرپوسودور.
Kult.az خبر وئریر کی، کؤرپونون برپاسی و قورونماسی ایله باغلی ایش آپاریلمادیغی اوچون تاریخی عابده اوچماق تهلوکهسی ایله اوز-اوزه قالیب.
۱۶۱۶-جی ایلده صفوی ایمپرییاسی دورونده چکانچای اوزرینده اینشا ائدیلن اوچ تاغلی کؤرپو ۲۴ متر اوزونلوغوندا، ۴ متر ائنیندهدیر.
ماراغا ایله آذربایجان و باشقا ایالتلرین اساس علاقه یولونو بیرلشدیرهن کؤرپونون تیکینتیسینده یئرلی معدن داشلاری و بیشمیش قیرمیزی کرپیجدن استفاده اولونوب.
تاریخی عابیدنین ۲۰۲۲-جی ایلین سنتیابر آییندا ایران ملی اثرلری سیاهیسیندا قیده آلینماسینا باخمایاراق، برپاسی اوچون وسایت آیریلماییب.
قید ائدک کی، کؤرپو گؤرونوشو، معمارلیق اسلوبو و تیکینتیسینده استفاده اولونان ماتریاللارا گؤره، آراز اوزریندهکی خودآفرین کؤرپوسونون کیچیک اوخشاری ساییلیر.
تاریخ
2024.04.30 / 17:59
|
مولف
Axar.az
|