آنا صحیفه توپلوم |
۲۰۲۳-جو ایلده فعالیتلری آرتان تهران حکومتی خاریجی عملیاتلاریندا داها دا آقرسیو اولوب.
Axar.az خبر وئریر کی، بو، کانادا تهلوکهسیزلیک کشفیات تشکیلاتینین حساباتیندا دئییلیب.
حساباتدا ایرانین غرب اؤلکهلرینده حیاتا کئچیردیی خاریجی عملیاتلارین سون ایللرده داها دا گئنیشلندیی وورغولانیب:
«بو، ایسلام رسپوبلیکاسینین حربی و تهلوکهسیزلیک قوهلرینین آمریکا بیرلشمیش ایشتاتلاری، بؤیوک بریتانییا و بیر سیرا آوروپا اؤلکهلرینده اؤلومجول سوئ-قصدلر حاضرلاماسی ایله مشایعت اولونوب. ایران اسلام رسپوبلیکاسی یاخین شرقده بؤیوک گوجه چئوریلمک و تأثیرینی عراق، سورییا، لیوان و اونون حدودلاریندان کناردا گئنیشلندیرمهیه چالیشیر. اسلام رسپوبلیکاسینین رگیونال آمبیسییالاری، اساساً، سورییا ایله متفیقلیک، عراق، لیوان و یمنده تهرانا باغلی سلاحلی بیرلشمهلردن استفاده ائتمکله حیاتا کئچیریلیب. آمریکا، اسرائیل و دیگر رگیون اؤلکهلرینین اسلام رسپوبلیکاسینین آمبیسییالارینین قارشیسینی آلماق جهدی ایران حکومتینی روسییا فدراسییاسی کیمی همفیکیر و آنتیغرب اؤلکهلری ایله غیری-رسمی اتفاق قورماغا وادار ائدیب»،- حساباتدا بیلدیریلیب.
کانادانین تهلوکهسیزلیک کشفیات تشکیلاتی ایللیک حساباتیندا، همچینین اسلام رسپوبلیکاسی و اونون کشفیات خدمتلرینین ایران جمعیتی، او جملهدن رژیم علیهداری فعاللار و سیاسی مخالیفلر، اینسان حاقلاری فعاللاری، اؤلکهدن قاچان شخصلرله باغلی گیزلی شکیلده معلومات توپلاماغا و اونلاری سوسدورماغا چالیشدیغینی وورغولاییب.
«ایران حکومتینین بو دوشمنچیلیک فعالیتلری کانادا و کانادالیلارین تهلوکسیزلیینی، همچینین کانادانین دموکراتیک دیرلرینی و سوورنلیینی پوزور. رژیمین بو عمللری و تهدیدلرینین ۲۰۲۴-جو ایل بویونجا دا داوام ائدجک و گئتدیکجه آرتاجاق».
قید ائدک کی، حسابات کانادا اجمالار پالاتاسی حکومتدن اسلام انقلابی کشیکچیلری کورپوسونون (سپاه) آدینین اؤلکهدهکی ترور تشکیلاتلارینین رسمی سیاهیسینا علاوه ائدیلمهسینین ایستندیی غیری-مجبوری لاییحهنین یکدیللیکله تصدیقیندن سونرا یاییلیب.
تاریخ
2024.05.10 / 11:39
|
مولف
جاویدان
|