تهران‌دا یاشایان و "وارلیق" درگی‌سینین رئداکسییا هئیتی‌نین عضوو اولان بیر گروپ یازیچی و ضیالی پرزیدنت سئچکیلرینین ایکینجی توروندا مسعود پزشکیانی دستکله‌دیکلری ایله باغلی بیانات یاییبلار.

Axar.az خبر وئریر کی، بو باره‌ده سوسیال مئدیا کاناللارین‌دا پایلاشیم ائدیلیب.

اونلار آذربایجانلی نامیزدین آذربایجان ملی-مدنی حقوقلاری ایله باغلی وئردیی وعدلری مثبت قیمتلندیریب و اونا سس وئره‌جکلرینی بیلدیریبلر.

"بیز آذربایجان مدنیتی‌نین خیدمتچیلری اولاراق، مسعود پزشکیانین اؤز آنا دیلی، ادبیاتی و مدنیتی ایله باغلی مثبت چیخیشلارینی، کئچمیشینین تمیز اولماسینی، عمومیتله سئچکی پلاتفورماسیندا ایر‌لی سوردویو فکرلرین مثبت‌لیینی نظره آلاراق، پرزیدنت سئچکیلرینین ایکینجی توروندا آذربایجانلی نامیزده سس وئرجه‌ییک. اونون پرزیدنت‌لییی دؤورونده وئردیی وعدلری یئرینه یئتیرجه‌یینه، آذربایجان و ایران خالقی‌نین ایستکلرینی حیاتا کئچیرجه‌یینه اومید ائدیریک"،- بیاناتدا قید اولونوب.

بیاناتی کریم مشروطه‌چی (سؤنمز)، جمال آیریم‌لو، ابراهیم رفرف، حسن راشدی، علیرضا صرافی، حسین محمدخانی (گونئیلی)، اسماعیل هادی و مسعود فیوضات کیمی مشهور و نفوذلو شخصلر امضالاییب.