آغالار دئییرلرکی، تورک دیلینده دانیشماق ملت‌چیلیک‌دیر، بس فارس دیلینده دانیشماق ندیر؟ بو منطیقله فارسجا دانیشماق دا فارس ملت‌چی‌لییی‌دیر. هئچ کیم اؤز کیملیینی و اصلینی دانمامالیدیر.

Axar.az خبر وئریر کی، بو سؤزلری اردبیللی دین خادمی حجت الاسلام رسولی دئییب.

اردبیل و موغان بؤلگه‌سینده نفوذلو دین خادمی اولان رسولی پزیدنت‌لییه نامزد مسعود پزشکیانین آذربایجان تورکو اولماسی و بونو دئمه‌سینه گؤره هجوملارا معروض قالماسینا سرت رئاکسیا گؤستریب.

"او، کیملیینی، آذربایجان تورکونون نماینده‌سی اولدوغونو آچیقجاسینا دئییر، کیملیینی، اصلینی دانمیر. گلین غیرت گؤسته‌رک، تاریخده یازیلسین کی، تورکون غیرتینین سایه‌سینده ایران پرزیدنتی تورک اولدو. بو گونه کیمی بیزی تحقیر ائد‌نلری ییغیب تاریخین زیبیل قابینا آتاق" ،-دئیه‌ن حجت الاسلام رسولی اردبیللیلری دسته‌یه چاغیریب.