جاری تحصیل ایلیندن باشلایاراق اسرائیلین پایتختی تل-اویو یاخینلیغیندا یئرلشن خولون شهرینین مکتبلرینده "ایران" درسی تدریس اولوناجاق.

Axar.az خبر وئریر کی، بو باره‌ده اسرائیل مئدیاسی معلومات یاییب.

بیلدیریلیب کی، "ایران" درسینی ایلک اولاراق «ناوون» لیسیینین شاگردلرینه اساس تحصیل ساحه‌لریندن بیری کیمی تکلیف ائدیلیب و حاضردا «۱۵ اعلاچی طلبه» بونو قبول ائدیب.

بونون سیناق مقصدیله باشلادیلدیغی و قارشی‌داکی ایللرده بونون خصوصی درس کیمی باشقا شهرلرین مکتبلرینده ده تدریس اولوناجاغی گؤزلنیلیر.

کیتابا سپاه، شاه دورونده‌کی اعتراض میتینقلری، ایران رهبرینین حاضرکی سیاستلری، ایران جمعیتینده شیعه و سنی مذهب‌لیلرین وضعیتی و فارس دیلینین اؤیردیلمه‌سی داخیل ائدیلیب.

درس‌لییی حاضرلایانلار اومید ائدیرلر کی، تدریس ایلینین سونوندا شاگردلر اسرائیلین ایرانلا باغلی تهلوکه‌سیزلیک و کشفیات مسئله‌لرینی دریندن اؤیره‌نه‌جکلر.

"بئله‌لیکله، شاگردلر گله‌جکده اسرائیلین تهلوکه‌سیزلیک قوروملارینا ایرانلا باغلی معلومات توپلاماق، تهدیدلری معین ائتمک، ترورلا مباریزه آپارماق و معلومات منبع‌لرینی قیمتلندیرمک اوچون کمک ائده بیله‌جکلر"،- درسلیک مؤلفلری بیلدیریبلر.

معلوماتا گؤره، "ایران" درسینین تعلیمات‌چیلاری اساساً موساد-این کئچمیش آگنتلری، داخلی تهلوکه‌سیزلیک تشکیلاتی و اسرائیلین ۸۲۰۰ بؤلمه‌سینین امکداشلاریدیرلار.