«یئددیلیک» گروپونون خاریجی ایشلر ناظرلری نویابرین ۲۶-دا گئنیش بیانات وئره‌رک، یئددی صنایع‌لشمیش و دموکراتیک اؤلکه‌نین دنیا حادثه‌لری ایله باغلی مؤقعلرینی ایضاح ائدیب و اونون بیر حیصه‌سینی ایرانین ثابت‌لییی پوزان حرکتلرینه حصر ائدیبلر.

Axar.az خبر وئریر کی، بیانات‌دا بیر داها ایرانین اسرائیله راکت هجوملارینی کسکین شکیلده پیسلنیب و بو هجوملار رگیونون ثابت‌لیینه جدی تهلوکه حساب ائدیلیب.

بیانات‌دا همچینین عراق و سوریادا حماس، حزبوللاه، حوثیلر، ائلجه ده ایرانا باغلی باشقا سلاحلی پروکسی قوه‌لرین ثابت‌لییی پوزان حرکتلرینین داوام ائتدیریلمه‌سی تنقید ائدیلیب.

گ۷-یه عضو اؤلکه‌لرین خاریجی ایشلر ناظرلری اؤز بیاناتلاریندا رگیوندا داها گئنیش مناقیشه‌نین هئچ کیمین ماراغین‌دا اولمادیغینی وورغولایاراق بیلدیریبلر:

«گرگینلیین داها دا آرتماسینین قارشی‌سینی آلماق اوچون سعیلریمیزی داوام ائتدیرجییک و بوتون طرفلردن تمکین گؤسترمه‌لرینی طلب ائدیریک".

«بیز ایرانین آرتان نووه فعالیتلرینی دقت‌ده ساخلاماق اوچون بیر-بیریمیزله و دیگر بین‌الخالق طرفداشلارلا ایشله‌مه‌یه داوام ائدجییک»،- بیانات‌دا دئییلیر.