آمریکا کونگرسینین بیر گروپ نماینده‌سی هونگ کونگون ایران، روسیا، چین و شمالی کورئیا دولتلرین سانکسییالاردان یان کئچه‌رک چیرکلی پوللارین یویولماسی اوچون مالیه مرکزینه چئوریلدیینی دئییبلر.

Axar.az خبر وئریر کی، اونلار بو باره‌ده آمریکا مالیه ناظری جانت یللنه یازدیقلاری مکتوبدا بیلدیریبلر.

مکتوبدا دئییلیر کی، هونگ-کونگ ایران نفتینی آلماق اوچون اوفشور شرکتلری یاراتماقلا آمریکا سانکسییالاریندان یان کئچمه‌یه کمک ائدیر و روسیانین قاداغان اولونموش غرب تکنولوگییالارینین ادخال و اخراجینا، روسیا منشأ‌لی قیزیل تجارتینه و شمالی کورئیا ایله علاقه‌لی گیزلی گمیلرین اداره ائدیلمه‌سینه کمک ائدیر.

قید ائدک کی، بوندان اول یایلان معلوماتلاردا جو بایدن حاکمیتی دورونده ایرانین سانکسییالاردان یان کئچه‌رک ساتدیغی قانونسوز نفتین مقدارینین ۲۰۰ میلیارد دلارا چاتدیغی بیلدیریلیب.