گروزنی یاخینلیغیندا آزال-این ملکی طیاره‌سی روسیا اردوسونا مخصوص "پانتسیر" هوا هجوموندان مدافعه سیستمی طرفیندن ایکی راکتله وورولوب.

Axar.az خبر وئریر کی، معلوماتی "ВЧК ОГПУ" تلگرام کانالی یاییب. حادثه ایله باغلی یاییلان یئنی دتاللار روسیانین حربی کوردیناسییاسینداکی جدی پروبلملری اوزه چیخاریر.

حادثه زمانی "پانتسیر" سیستمیندن ایکی راکت آتیلیب. کوماندیرین سؤزلرینه گؤره، ایلک راکت ۰۸:۱۳:۳۰-دا، ایکینجی راکت ایسه ۰۸:۱۳:۴۰-دا بوراخیلیب. راکتلر ۰۸:۱۳:۵۰ و ۰۸:۱۴:۳۰-دا پارتلاییب. سونونجو پارتلاییش ملکی طیاره‌یه دییب. راکتلرین آتیلماسی امرینی ایسه روستوودان بوریسوو آدلی روس کوماندیر وئریب.

الکترون مدافعه سیستمی هر شیی "کور" ائتدی

حادثه‌نین اساس سببلریندن بیری گوج‌لو الکترون مدافعه سیستمینین تأثیری اولوب. بو سیستم ملکی و حربی تکنیکانین رابطه‌سینی تمامیله پوزاراق کوردیناسییانی چتینلشدیریر. حتی "پانتسیر" اکیپاژلاریندان بیری طیاره‌نین ملکی اولدوغونو گؤروب و آتش آچماقدان چکینیب. لاکن دیگر اکیپاژ الکترون رابطه اولمادان امره اساساً راکتلری بوراخیب.

حربیچییه "ملکی طیاره‌نی دروندان فرقله‌ندیرمه‌یه چالیشدینیزمی؟" سوالی وئریلیب. او ایسه یالنیز امر آلدیقدان سونرا آتش آچدیغینی و طیاره‌نین لوکاتوردا ملکی اوبیکت کیمی گؤرونمدیینی بیلدیریب.

طیاره‌یه یوخ، درونا آتش آچیلدیغی ادعاسی

روسیا حربی رهبرلیی مسئولیتدن یایینماق اوچون داها "الوئریشلی" بیر وئرسییانی اؤنه سورور. اونلارین ادعاسینا گؤره، راکتلر درونا آتیلیب، لاکن اونو وورا بیلمه‌ییب و آزال طیاره‌سینین یاخینلیغیندا پارتلاییب. بونا باخمایاراق، حادثه یئرینده پیلوت‌سوز اوچوش آپاراتینا عاید هر هانسی قالیق تاپیلماییب.

استنطاق کمیته‌سینین رهبری آلکساندر باستریکین ده بو وئرسییانی دستکلییر و گویا وورولموش پیلوتسوز طیاره‌نین حصه‌لرینین تاپیلماسینی طلب ائدیر. لاکن اوچ گوندور داوام ائد‌ن آختاریشلار هئچ بیر نتیجه وئرمه‌ییب.

دیسپتچر و شاهدلر نه دئییر؟

استنطاقین گئدیشاتیندا معین ائدیلیب کی، هوا هجوموندان مدافعه سیستملرینین کوماندیرلرینه ملکی طیاره‌لرین اوچوش جدولی تقدیم ائدیلمه‌ییب. راکتلری بوراخان کوماندیر هدفی دومان سببیندن ویزوال اولاراق تصدیقله‌یه بیلمدیینی و استاسیونار تلفونلا روستووا ایکی دفعه زنگ ائتدیینی بیلدیریب.

بو آرادا، دیگر "پانتسیر" سیستمینین کوماندیری ملکی طیاره‌نی ویزوال اولاراق مشاهده ائدیب و آتش آچماییب. بو فاکت دیسپتچر منطقه‌سینده‌کی سس یازیلارینین دینلنیلمه‌سیندن سونرا اورتایا چیخیب. لاکن همین کوماندیر الکترون مدافعه سیستمی سببیندن دیگر اکیپاژلا علاقه ساخلایا بیلمدیینی بیلدیریب.

الکترون مدافعه سیستمینی کیم ایشه سالیب؟

حادثه‌نین ان دقتچکه‌ن دتالی الکترون مدافعه سیستمینین طیاره و هوا هجوموندان مدافعه سیستملرینی "کور و کار" وضعیته سالماسیدیر. هله‌لیک بو سیستمی کیمین ایشه سالدیغی و اساس مقصدینین نه اولدوغو آیدین دئییل.

باش وئرنلر بیر داها گؤستریر کی، روسیا اردوسونداکی کوردیناسییا و انتظام چاتیشمازلیغی ملکی اوبیکتلر اوچون جدی تهلوکه‌لر یارادیر. استنطاقین نتیجه‌لری یاخین گونلرده داها چوخ آیدینلیق گتیره بیلر.