آلمانیانین بیر سیرا آپاریجی مدیا گروملاری پرزیدنت ایلهام علیئوین «آذربایجان هوا یوللاری» آویاشرکتینه مخصوص سرنشین طیاره‌سینین قضایا اوغراماسینین سببلری ایله باغلی فکرلرینی گئنیش ایشیقلاندیریب.

Axar.az خبر وئریر کی، «بیلد»، «ایشپیگل»، «زیت»، «تاگسشپیگل» قزئتلرینده، «دؤچه وله»، «ولت»، «تاگسشاو» تلویزییالاریندا یاییملانان خبرلرده دولتیمیزین باشچی‌سینین سرنشین طیاره‌سینین روسیا اراضی‌سینده اولارکه‌ن رادیوالکترون مبارزه واسطه‌لری طرفیندن اداره‌اولونماز وضعیته سالیندیغینی، یئردن آچیلان آتش نتیجه‌سینده قویروق حصه‌سینین بؤیوک درجه‌ده زدلندیینی قید ائتدیی بیلدیریلیب. ائلجه ده پرزیدنت ایلهام علیئوین حادثه‌نین باش وئرمه‌سیندن سونراکی اوچ گون عرضینده قضانین سببلری ایله باغلی روسیا طرفیندن جفنگ فکرلرین سسلندیریلمه‌سی و بونونلا دا حادثه‌نین اصل سببینین اؤرت-باسدیر ائدیلمه‌سینه جهد گؤستریلمه‌سی باره‌ده آچیقلامالاری خصوصی وورغولانیب.

خبرلرده دولتیمیزین باشچی‌سینین «بیزی تأسفلندیرن و تعجبله‌ندیرن مقاملاردان بیری ده او ایدی کی، روسیانین رسمی قوروملاری هانسی‌سا قاز بالونونون پارتلاماسی ایله باغلی وئرسییالار ایر‌لی سورموشدو. یعنی، بو، آچیق-آیدین گؤستریردی کی، روسیا طرفی مسئله‌نی اؤرت-باسدیر ائتمک ایستییر و البته، بو، هئچ کیمه باشوجالیغی گتیرمیر»، - فکری سیتات گتیرلیب.

مدیادا یئر آلان اینفورماسییالاردا آذربایجان پرزیدنتینین طیاره‌نین روسیا طرفیندن قصداً وورولدوغونو گومان ائتمدیی، لاکن روسیادان اؤز گناهینی اعتراف ائتمیی، تقسیرکارلاری جزالاندیرماغی و تضمینات اؤدمیی طلب ائتدیی دقته چاتدیریلیب.

قید ائدک کی، خبرلرده دکابرین ۲۸-ده روسیا پرزیدنتی ولادیمیر پوتینین آذربایجان پرزیدنتی ایلهام علیئو ایله تلفون دانیشیغی زمانی طیاره قضاسی ایله باغلی عزرخواه‌لیغینی ایفاده ائتدیی خاطیرلانیب.