یاخشی اولاردی کی، ارمنیستانین باش ناظیری غربی آذربایجان اجماعسینین نماینده‌لرینی قبول ائتسین. بیلدییمه گؤره، اونلار ایروانا دا گئتمه‌یه حاضیردیرلار.

Axar.az خبر وئریر کی، بو سؤزلری پرزیدنت ایلهام علیئو یانوارین ۷-ده یئرلی تلویزییا کاناللارینا مصاحبه‌سینده دئییب.

غربی آذربایجان‌لیلارین اورادان اساسسیز قووولدوقلارینی وورغولایان دولتیمیزین باشچی‌سی علاوه ائدیب کی، اونلارین قاییتمالاری اوچون تام حقوقلاری واردیر.

«ارمنیستان اؤزونو بو گون آوروپا دموکراتییاسی یولو ایله گئدن اؤلکه کیمی تقدیم ائدیر. قوی اونو عیانی شکلده گؤسترسین»، - دئیه‌ن پرزیدنت، همچنین وورغولاییب: «بو مسئله گونده‌لیکدن چیخمایاجاق، او واختا قدر کی، آذربایجان‌لیلار تهلوکه‌سیزلیک شرایطینده غربی آذربایجانا، او جمله‌دن غربی زنگزورا یئرلشه‌جکلر».