سوئد خارجی ایشلر ناظرلییی ایرانین بو اؤلکه‌ده‌کی سفیرینی چاغیراراق، ایران‌دا حبسده اولان گونئی آذربایجانلی عالیم، ایران-سوئد وطنداشلیغی اولان احمدرضا جلالی‌نین سربست بوراخیلماسینی طلب ائدیب.

Axar.az خبر وئریر کی، بو باره‌ده سوئد خارجی ایشلر ناظرلییی معلومات یاییب.

تهرانین اوین حبسخاناسیندا ساخلانیلان عالیمین وضعیتی‌نین آغیر اولدوغونا دقت چکن سوئد خارجی ایشلر ناظرلییی، اونون هومانیست سببلره گؤره درحال آزاد ائدیلمه‌سینی و اونا طبی خدمت گؤستریلمه‌سینی ایسته‌ییب.

بونونلا یاناشی ناظرلیک هم ده محبوسون اعدام حکمونه اعتراض ائدیب و تهرانی بو هؤک‌مو لغو ائتمه‌یه چاغیریب.

قید ائدک کی، سوئد وطنداشی اولان گونئی آذربایجانلی احمدرضا جلالی ۲۰۱۶-جی ایلین آپریل آییندا تهران و شیراز اونیورسیته‌لری‌نین دعوتی ایله علمی کنفرانسا قاتیلماق اوچون ایرانا سفر ائتدیکدن سونرا حبس ائدیلیب.

۲۰۱۷-جی ایلین سپتامر آییندا تهران انقلاب محکمه‌سی آذربایجانلی عالیمی "اسرائیله جاسوسلوق" اتهامینا گؤره اعداما محکوم ائدیب و قرار داها سونرا ایران عالی محکمه‌سی طرفیندن ده تصدیق اولونوب.