ایرانین نوو سلاحی الده ائتمه‌سینین قارشی‌سینی آلماق اوچون لازیم گلرسه، بریتانیا تهرانا قارشی ب.ام.ت سانکسییالارینی آکتیولشدیره‌جک.

Axar.az خبر وئریر کی، بونو ب.ام.ت-نین تهلوکه‌سیزلیک شوراسینین ایرانین نووه پروگرامی ایله باغلی کئچیردیی اجلاس‌دا بریتانیانین ب.ام.ت-دکی دایمی نماینده‌سی جیمس کاریوکی تهلوکه‌سیزلیک شوراسینین اجلاسیندادئییب.

«ایرانین نووه سلاحی الده ائتمه‌سینین قارشی‌سینی آلماق اوچون لازیم اولان بوتون دیپلماتیک آددیملاری آتاجاغیمیزی، او جمله‌دن، لازیم گلرسه، سانکسییالارین گئری قایتاریلماسی مکانیزمیندن استفاده ائدجییمیزی آچیق شکیلده بیلدیردیک»، - دئیه، جیمس کاریوکی وورغولاییب.

بونونلا یاناشی، اجلاسین سونوندا آمریکا نماینده هیئتی ده مسئله ایله باغلی بیانات یاییب.

بیانات‌دا تهلوکه‌سیزلیک شوراسیی ایرانین یوکسک سویه‌ده اوران زنگینلشدیرمه‌سینه قارشی چیخماقغا، تهرانی قیناماقا چاغیریب.

ایرانین ب.ام.ت-دکی نماینده‌سی امیر سعید ایروانی تهلوکه‌سیزلیک شوراسینین قاپالی اجلاسین ایله باغلی یایدیغی بیاناتدا اجلاسی «تخریباتچی و اساس‌سیز» آدلاندیریب.

ایروانی علی خامنه‌اینین مؤقعینی بیر داها تکرار ائدیب و دئییب: «تهران تضییق آلتیندا دانیشیقلار آپارمایاجاق، تهدیدلره بویون ایمه‌یه‌جک و هئچ بیر دیکته قبول ائتمه‌یه‌جک».

قید ائدک کی، ایرانین نووه پروگرامی ایله باغلی اجلاس شورایا عضو اولان ۱۵ اؤلکه‌دن آلتی‌سینین، او جمله‌دن آمریکان، بؤیوک بریتانییا، فرانسا، جنوبی کورئیا، یونانستان و پانامانین طلبی ایله کئچیریلیب.

غرب اؤلکه‌لری حساب ائدیر کی، هئچ بیر ملکی پروگرام اوچون اورانی بو قدر یوکسک سویه‌ده زنگینلشدیرمه‌یه احتیاج یوخدور و بو سویه‌ده زنگینلشدیریلمیش اوران نووه بومباسی یاراتماغا حسابلانیب.

بونونلا بئله، رسمی تهران ایران حکومتینین نووه پروگرامینین تمامیله دینج کاراکتر داشیدیغینی ادعا ائدیر.