جاری ایلین فورال آیینین ۱۳-ده ترکیه پلیسی احمدرضا بیضایی آدلی ایرانلینی حبس ائدیب.

Axar.az خبر وئریر کی، بو باره‌ده "تسنیم" خبر آگنتلییی معلومات یاییب.

بیلدیریلیب کی، بیضایی‌نین عائله‌سی ترکیه‌دن دئپورت ائدیلیب، اؤزو ایسه ساخلانیلیب.

کئچمیش خارجی ایشلر ناظری، علی خامنه‌اینین مشاویری و آزاد اسلام اونیورسیته‌سینین ریاست هئیتی‌نین باشچیسی علی‌اکبر ولایتی "تسنیم"ه وئردیی آچیقلامادا حادثه‌نی تصدیق ائدیب.

او، احمدرضا بیضایی‌نین حبس سببی باره‌ده معلومات وئریلمه‌دیینی و اونون آزاد ائدیلمه‌سی ایله باغلی سعیلرین نتیجه‌سیز قالدیغینی بیلدیریب.

قید ائدک کی، ویلایتی‌نین "اونیورسیته معلمی" کیمی تقدیم ائتدیی بیضایی، سپاه و اونا باغلی "بسیج" (کؤنوللولر اوردوسو) یوکسک روتبه‌لی مامورلاریندان اولوب.

او، بوندان اول شرقی آذربایجان ایالتی‌نین سپاه کوماندیرینین امری ایله ایالتین معلملرین سفربرلیک تشکیلاتینین رهبری وظیفه‌سینه تعیین اولونوب.