اردبیل ایالتین‌ده مکتب چاتیشمازلیغی وار و بونون آرادان قالدیریلماسی اوچون ان آزی ۳۰۰-ا یاخین ۱۲ صینیف اوتاغیندان عبارت مکتبلر انشا ائدیلمه‌لیدیر.

Axar.az خبر وئریر کی، بو باره‌ده ایالت والی‌لیینین رسمی‌سی رضا کریمی آچیقلاما وئریب.

او، خصوصاً اردبیل، پارس‌آباد، آصلاندوز، خلخال و مشگین‌شهر (خیاو) شهرلرینده پروبلمین داها چوخ اولدوغونو سؤیله‌ییب:

"آدی چکیلن شهرلرده تحصیل ساحه‌سی کریتیک وضعیت‌ده‌دیر و مکتب چاتیشمازلیغی سببین‌دن صینیفلرده اورتا شاگرد سایی ۴۵-ا چاتیب".

اردبیل‌ده شاگرباشینا دوشن تحصیل ساحه‌سینین ۱،۸ ایله ۲ کوادرات‌متر آراسیندا اولدوغونو دئیه‌ن رضا کریمی، بونون اؤلکه اوزره اورتا گؤستریجیدن آشاغی اولدوغونو بیلدیریب.