«بس نه دئییم؟»، «آی بری باخ»، «نیه یوخ دئییرسن؟» و «گمان یئری وار» آدلی آذربایجان ماهنیلارینی اوغورلایان ارمنی گارمون ایفاچی‌سی گاگیک استئپانیانین ایفالاری یوتوبدان سیلینیب.

Kult.az خبر وئریر کی، معلوماتی آذربایجان عقلی ملکیت آگنت‌لییی یاییب.

قید اولونوب کی، ارمنی گارمون ایفاچی‌سی گاگیک ایستپانیان سؤزوگئدن آذربایجان ماهنیلارینین موسیقیلرینی پوپوری شکلینده گارمون‌دا ایفا ائد‌رک، ارمنی ماهنی‌سی کیمی تقدیم ائدیب و صحیفه‌سینده یئرلشدیریب. همچینین ماهنیلارین آدلارینی و اونلارین مؤلفلرینین آدلارینی قید ائتمه‌ییب:

«آذربایجان عقلی ملکیت آگنت‌لییی طرفیندن حیاتا کئچیریله‌ن تدبیرلر نتیجه‌سینده رقمسال شبکه‌لرده مؤلفلرین، ایفاچیلارین و فونوگرام استحصالچیلارینین املاک حقوقلارینی کولکتیو اساس‌دا ایداره ائد‌ن «رقم‌لی و آودیوویزوال یاییم صنایع‌سی» اجتماعی بیرلیینین (رایس) تکنیکی یاردیمی ایله ارمنی گارمون ایفاچی‌سی گاگیک ایستپانیان ایفاسی یوتوبون قید ائدیله‌ن صحیفه‌سیندن سیلینیب».