چوخوموز لعنته اینانمیریق. بونونلا بئله، تاریخی مکانلاردان، دونیاجا مشهور اولان لعل-جواهیرات نومونه‌لرینه قدر اشیا و یئرلرله باغلی باش وئره‌ن سیرلی اولایلاردان سونرا اونلاری «لعنتلنمیش» سؤزون‌دن باشقا نئجه‌سه قیمتله‌ن‌دیرمک هاراداسا مومکون‌سوزدور.

آخار. آذ بو تیپ یئرلردن و اشیالاردان بیر نئچه‌سی ایله ایلگیلی باش وئرمیش قورخولو اولایلاری تقدیم ائدیر:

توتانخامونون مزاری

یقین کی، هر کسین توتانخامونون لعنتله‌نمه‌سی حاقدا معلوماتی وار.

۱۹۲۳-جو ایلده آرخئولوقلار ایچی نؤع به نؤع خزینه ایله دولو اولان، ال دیمه میش بیر فیرعون مزاری تاپدیلار. اوسته‌لیک ده سونرادان اورتایا چیخاجاق لعنتله بیرلیک‌ده. آرخئولوقلارین سیرلی شکیل‌ده دهشت‌لی خسته‌لیکلره توتولماسی، بیر-بیرینین آردینجا اؤلمه‌لری هر کسی حیرته گتیردی.

پورشه لعنتی

۱۹۵۵-جی ایلده آکتیور جیمس دئان «پورشه ۵۵۰ ایسپیدئر»ایله یول گئدرکن بؤیوک قضایا دوشه‌رک حیات‌دان گئت‌دی.

تیکه-تیکه اولموش ماشینین پارچالاری ساتیشا چیخاریلدی و بو ایشده ماراق‌لی اولانلار موختلیف حیصه‌لری ساتین آلدی. ایلک اولاراق تعمیرچی اوستانین یاریمجان اولماسین‌دان سونرا باش وئره‌ن قورخولو حادثه‌لر «پورشه»نین لعنت‌لی اولدوغونو دئمک‌دن باشقا یول قویمادی.

باسانو وازی

۱۵-جی عصره عایید باسانو وازی ایتالیان بیر گلینه هدییه ائدیلمک اوچون دوزلدیلمیش‌دی. هدییه‌نی آلدیغینین ائرته‌سی گونو قادینین مئییتی الین‌ده واز توتموش حال‌دا تاپیلدی.

بو حادثه‌دن سونرا وازی آلان شخصلر ده نسیللری بویونجا جوربجور سیرلی اؤلوملرله قارشیلاشمالی اولدو.

۱۹۸۸-جی ایلده آوکسیون‌دا وازی آلان بیر نفر ایسه جمعی ۳ آی سونرا دونیاسینی دییش‌دی.

بوز آدام

۱۹۹۱-جی ایلده آرخئولوقلار آلپ داغلارین‌دا آراش‌دیرما آپارارکه‌ن بیر بوز کوتله‌سینین ایچین‌ده قورونوب ساخلانمیش مومییا تاپ‌دیلار.

مومییایا «بوز آدام» آدی وئریب، آراش‌دیرمالارا باشلادیلار.

آنجاق بئله گؤردولردو کی، بو تاپینتی دا عینن توتانخامونون مومییاسی کیمی اؤز لعنتی ایله بیرلیک‌ده گلیب.

بوز آداملا یاخین‌دان ایلگی‌سی اولان ۷ نفر حیاتینی ایتیردی، اؤلوملردن دؤردونون سببی فاجیوی قضالار ایدی.

داها اطراف‌لی تقدیم ائتدییمیز ویدئودا: