"بولبوللر" قروپونون یارادیجیسی آیبهنیز هاشیمووا آذربایجان رسپوبلیکاسینین امکدار آرتیستیدیر.
Kult.az خبر وئریر کی، او، ۲۲ آوقوست ۱۹۶۸-جی ایلده گنجه شهرینده آنادان اولوب. آیبهنیز هاشیمووانین حیات یولداشی "وطن اوغروندا" مئدالی لاورئاتی خالید قولیئو قاراباغ اوغروندا دؤیوشلرینده شهید اولوب. موغهننی آینیشان قولیئوا اونلارین قیزیدیر.
موغهننی شاهناز هاشیمووا آیبنیزین باجیسیدیر.
جعفر جببارلینین "ای دان اولدوزوم" ماهنیسینا گؤرکملی بستکار امین ثابیتوغلونون بستلدیی ماهنی اونون رئپئرتواریندا خصوصی اهمیته مالیکدیر:
قارانلیق گئجهده سنی گؤزلهییب
دورماقدان یورولدوم، ای دان اولدوزو!
اوزاق اوفوقلره گؤز گزدیرمکدن
آز قالا کور اولدوم، ای دان اولدوزو!
اؤکسوز تالعیم تک گئجیکدین ندن؟
کاروان قیران دوغدو، گؤرونمدین سن.
اوخشاتدیم، یانیلدیم، کؤنول وئردیم من،
بیلمهدن وورولدوم، ای دان اولدوزو؟
آرخاسینجا قوشدوم سونسوز بیر یولا،
هر آددیمدا توش گلینجه بیر کولا،
قارانلیقدا چوخ باخیردیم ساغا-سولا،
هر یانا بورولدوم، ائی دان اولدوزو!
بوسبوتون یورولوب گوجدن دوشرکهن
بیر اولدوز پارلادی اوزاق اوفوقدن.
او گؤرونهن سندین، آرتیق گلدین سن،
آخیر سنی بولدوم، ای دان اولدوزو!