آنا صحیفه ویدئو |
"جارول" - ۲۰۱۵
"من ایندییه کیمی هر شئیدن چوخ کیتابلاریمی سئومیشهم. بوندان سونرا هر شئیدن چوخ سنی سئوهجهیهم و کیتابلاری بیرلیکده سئوجییک"
صباح الدین علی – جانیم عالییه، روحوم فیلیز
*
عشقین سرحدلرینین اولمادیغینی و هر شئیه قادیر اولدوغونو، عینی زاماندا دا ان تهلوکهلی حس اولدوغونو دوشونهنلردنهم. زولفو لیوانه لی دئییر کی، عشق بیر اوچورومون کناریندا گؤزوباغلی یئریمکدیر. اما هر حالدا، عشق هر شئیه رغما یاشانمالی و بیز ده بو بولاقدان سو ایچملیگیک. بلکه، دادی خوشوموزا گلدی؟
بعضی فیلملر قوسورسوزدور و ایزلیرکهن بؤیوک حض وئریر. «جارول» دا اونلاردان بیریدیر. فیلمده ۲ قادینین
کارول و تهرسه'نین بیر-بیرینه عشقینه شاهید اولوروق. اونلار پروبلملر، حیات شرطلری و جمعیت قیناغی اوچبوجاغیندا اؤز عشقلرینی یاشاماغا چالیشیرلار. فیلمه دایر ان چوخ بیندییم نوانس بو عشقی شیشیرتمهدن، مبالیغهسیز ایفاده ائتمیی و بیر چوخ #لگبت فیلمیندن فرقلی اولاراق سکس صحنهلرینین یوخ درجهسینده اولماغی ایدی. یعنی، فیلم بو صحنهلره گؤره یوخ، استئتیکاسی، ظریفلیگی، یئرینده ایشلهدیلهن موسیقیلری و چوخ گوجلو آکتریسا ایفالارینا گؤره دقت چکمیی باجاریب.
رنگلردن ایسه مهارتله ایستیفاده اولونوب. ایکی نومونه وئریم:
۱. بیر چوخ صحنهده قیرمیزی رنگدن مهارتله ایستیفاده اولونوب. قیرمیزی رنگ احتیراس و سئوگینی تمثیل ائدیر.
۲. رنگلردن اوبرازلارین وضعیتینی آنلاماغیمیز اوچون ده ایستیفاده اولونوب. مثلاً، هانسیسا صحنهده اوبراز(لار) خوشبختدیرسه، صحنهده جانلی رنگلردن ایستیفاده اولونوبسا، اوبراز(لار)این غمگین واختلاریندا ثحنهده سویوق رنگلرین آهنگینی گؤره بیلریک. نئجه ده محتشمدیر، ائله دئییلمی؟
کارول ایله تهرسه بیرلیکده سیاحته چیخیرلار و بیز ایزلییجیلر اونلارین داخیلی عالمینی، بیر-بیریلری ایله مناسیبتینی داها آیدین باشا دوشوروک. فیلم هم اونلارین، هم ده دیگر اوبرازلارین داخیلی عالمینی آچا بیلیب. بو دا بیر فیلمده آختاردیغیم باشلیجا واجیب عامللردندیر. قئید ائدیم کی، فیلم قطیعا دورغون دئییل و سونا قدر اؤزونو ماراقلا سئیر ائتدیرمیی باجاریر.
ایلک دقیقهدن سون دقیقهیه قدر فؤوق العاده ایرلیلهیهن و اعلا فینالا صاحب بو فیلمی یوکسک قیمتلندیریرم.
مطلق ایزلیین بو فیلمی و ان اساسی دا فیلمله قالین.
تاریخ
2020.02.25 / 14:43
|
مولف
آیتاج آراز
|