آنا صحیفه فوتو |
۲۰۱۸.۱۲.۲۶
آذربایجاندا داشدان دوزلدیلمیش و اوستو بزدیلمیش داش عابدهلرین تاریخی اوزاق کئچمیشلره تصادف ائدیر. اویما، یونما، جیزما اصولو ایله داش اوزرینده حک اولونموش تصویرلرین ان قدیم نمونهلرینه عالیملریمیز هلهلیک اوردوباد (گمی قایا)، آبشرون (مردکان، شووهلان کندلرینده) و باکی شهریندن ۶۰ کیلومتر جنوبدا خزر دنیزیندن بیر قدر آرالی قوبوستان قایالاری اوزرینده راست گلیبلر.
داش سالنامه موزئیی
آذربایجانین داش پلاستیکاسی تاریخینه حصر ائدیلمیش موزئیدی. موزئیده داش پلاستیکانین بیر چوخ نؤولری سرگیلنیر. دؤولت بایراغی میدانی اراضیسینده یئرلشهن داش سالنامه موزئیی حیدر علیئو فوندو طرفیندن یارادیلیب. آذربایجاندا معنوی حیاتین ان آرخائیک خصوصیتلری محض داش پلاستیکا عنعنهلرینده ساخلانیلیب.
موزئی ۱۹۲۱-جی ایلده اینشا اولونموش و واختیله نفت معدهنلرینین انرژی تأمیناتی اوچون نظرده توتولموش الکتریک ایستانسییاسینین بیناسیندا یئرلشیر. سونرالار بینا تمامیله برپا ائدیلدی. برپا ایشلریندن سونرا داش سالنامه موزئیی کیمی فعالیت گؤستریر.
موزئیین آچیلیشی ۲۰۱۵-جی ایل ایونون آیینین ۸-ده باش توتدو. آذربایجان رسپوبلیکاسینین پرزیدنتی ایلهام علیئو، حیدر علیئو فوندونون پرزیدنتی مهریبان علیئوا و فوندون ویتسه-پرزیدنتی لیلا علیئوا موزئیله تانیش اولوبلار.
آذربایجانین موختلیف گوشهلرینده آشکار ائدیلمیش چوخلو سایدا داش پلاستیکاسینین نومونهلری ایله یاناشی، قدیم اکسپوناتلارین اهمیتلی حیصهسینی فونکسیونال معنا داشییان و هئچ بیر بزیی اولمایان موختلیف معیشت اشیالاری تشکیل ائدیر.
«داش سالنامه» سرگیسینین اکسپوزیسییاسی داش پلاستیکانین بیر چوخ نؤعلرینی احاطه ائدیر. آذربایجانین داش پلاستیکاسی تاریخینه حصر ائدیلمیش "داش سالنامه" اکسپوزیسییاسینا "قوبوستان" و "قالا" قوروقلاریندان گتیریلمیش اکسپوناتلارلا یاناشی، هیکلتراش حسین حق وئردینین اثرلری ده داخیلدیر.
اکسپوزیسییانین اساس حیصهسی شیروان-آبشرون زوناسیندا تاپیلمیش اورتا عصرلره عایید اولان مزار داشلاریدیر. صندوقهلر و باشداشیلاریندا اورتا عصر دؤورونون موختلیف اجتماعی-سیاسی، سوسیال، مدنی، ایدئولوژی حادثهلری حاقیندا اوریژینال اینفورماسییا وئریلیر.
تاریخ
2019.07.19 / 22:00
|
مولف
آیتاج آراز
|