Axar.az آذربایجانین قدیم مسکنلرین‌دن اولان "قوبوستان" دا قایا رسملرینی تقدیم ائدیر:

آذربایجان اراضی‌سین‌ده،باکی یاخینلیغین‌دا آرخیولوژی عابده‌لر کومپلکسینین محافظه ائدیلدیی قوروق. قوروق قاراداغ رایونونون قوبوستان قصبه‌سین‌ده، پایتخت باکی‌دان ۵۶ کم آرالیدا یئرلشیر. بورادا ائلجه ده موزئی فعالیت گؤستریر. قوروق‌دا اساساً مئزولیت (اورتا داش دؤورو) عابده‌لری سرگی‌لنیر. بورادا ماغارالار، بولاقلار و س وار.

تورک دیللرین‌ده "قوبو / کوبو" سؤزو "یارغان، بوشلوق، یاریصح را" آنلامینا گلیر.

دیگر بیر وئریسیایا گؤره ایسه قوبوستان سؤزونون ایلکین فورماسی گاویستان شکلین‌ده اولموش‌دور. "گاو" فارسجا اؤکوز، اینک، "ایستان" ایسه دیار آنلامین‌دا یئر بیل‌دیره‌ن شک‌لی‌چی‌دیر. بو حال‌دا سؤز "اؤکوزلر دیاری" شکلین‌ده شرح ائدیلمک‌ده‌دیر. بو وئرسییانین دا ایر‌لی سورولمه‌سی تصادف اولمامیش‌دیر. چونکی، واختیله قوبوستان اراضی‌سین‌ده چوخ‌لو چؤل اؤکوزو یاشامیش‌دیر. مین ایللر کئچدیکجه اونلارین بیر حیسه‌سی اؤلموش، بیر حیسه‌سی ایسه اهلیلشدیریلمیش‌دیر.

بؤیوکداش و جینگیرداغدا اولان و "قاوالداش" آدلانان داش موسیقی قورغولاری قدیم قوبوستانلیلارین بؤیوک ایختیراعسی کیمی دیرلندیریلیر. اوخون ایجاد اولونماسی قبیله آداملارینین مادی گوزرانی اوچون نه قدر لازیم ایدیسه، ضرب موسیقی قورغوسو – "قاوالداش"این یارادیلماسی دا موسیقی زؤوقلرینی تعمین ائتمک، رقص و ماهنی مراسیملری دوزلتمک اوچون اولدوقجا اهمیتلی ایدی.