Axar.az
یوخاری
13 نویابر 2019


آذربایجان تاریخینی اؤزون‌ده عکس ائتدیره‌ن دیار – زنوزاق کندی

آنا صحیفه فوتو
12 Punto 14 Punto 16 Punto 18 Punto

زنوزاق کندینه عالیملر و ضیالیلار کندی ده دئمک اولار.

بو کند شرقی آذربایجان ویلایتینین تبریز شهرین‌دن ۸۵ کم، مرند شهرین‌دن ۲۵ کم، زنوز شهرین‌دن ایسه ۲ کم فاصیله‌ده یئرلشیر. کند اؤز حیران ائدیجی گؤزل‌لیگی ایله آذربایجانین ان گؤزل کندلرین‌دن بیری حساب اولونور و پیللکه‌ن فورماسین‌دا تیکیلیب. بئله کی، بیر ائوین دامی اونون اوستون‌ده یئرلشه‌ن ائوین حیطی‌دیر. کندین بعضی ائولرینین تاریخی صفویلر دؤورونه قایی‌دیر. بون‌دان علاوه، کند قبیریستانلیغین‌دا اولان داش ناخیشلاری ائلخانیلر و صفویلر دؤورونه عاییددیر کی، بو بؤلگه‌نین تاریخینین آزی ۸۰۰ ایل بون‌دان اوله قاییتدیغینی ثبوت ائدیر.

زنوز کندی شرق طرف‌دن سلطان سنجر داغلاری، غرب‌دن دره کندی، جنوب غرب‌دن زنوز شهری، شیمال‌دان ایسه همین کندین کؤوشه‌نی اولان داغلارلا بیرلشیر.

زنوز شهری اؤلکه‌ده اوچونجو دارلفونون (علملر اوجاغی) تیکیلدیی شهر اولوب. محض بونا گؤره شهرین ساکینلری اولدوقجا ساوادلیدیر و اؤلکه‌نین اینکیشافین‌دا بؤیوک رول اویناییرلار. اونون یاخینلیغین‌دا یئرلشن زنوزاق کندینین ده بو نعمت‌دن پایی وار. بو کندین ساکینلری اولدوقجا ساوادلی و بیلیک‌لی‌دیر. اوشاقلار اولدوقجا ساوادلی یئتیشدیریلیر. بورادان بیر چوخ علملر نامیزدی و عالی تحصیل‌لی اؤولادلار چیخیب.

سؤزون اصل معناسین‌دا تیکینتی ایله طبیعتین ان یاخین بیرلیینی بو کندده گؤرمک اولار. بو بیرلیک زنوزاق‌دا ائله گؤزل آلینیب کی، هئچ بیرینی تک گؤرمک ایستمیرسن. کندین اؤزون‌دن علاوه باشقا گؤرمه‌لی منظره‌لری، او جمله‌دن، دامجیقایا شلاله‌سی، ماهار یایلاغی، قالا و قیزیل کؤرپو کیمی گؤرمه‌لی یئرلری وار.

کند ائولرینین دامی یای آیلارین‌دا رنگارنگ مئیوه‌لر تاختاسی ایله بزنیر. کندین داملارینا و حیطلرینه بزک وئرمکله یاناشی مییوه‌لرین اتری بورا یولو دوشه‌ن هر کسی حیران ائدیر. کن‌ده گلن هر توریست بو گؤزل و تام طبیعی فورمادا یئتیشدیریلیب، تمیز هاوادا قورودولان چرزلردن و قایسیلاردان آز دا اولسا سووقات آپاریر.

اراضینین یونسکو طرفین‌دن قیده آلینماسی بیر قدر گئجیکسه ده، بو، اصلین‌ده کندین خئیرینه اولوب. بئله کی، آزی توریزم شیرکتلرینین تبلیغاتی تأثیری آلتین‌دا بیر نئچه ساعت‌لیق کندی مقصد سئچه‌ن و تاریخی، طبیعتی باره‌ده بیلیی و آنلاییشی اولمایان توریستلرین آیاغی هله‌لیک بورا آچیلماییب.

تاریخ
2019.08.31 / 19:59
مولف
Axar.az
شرح لر
دیگر خبرلر

باکینین ۱۰۲ ایل اوله عایید اونیکال - فوتولاری

شرقین میفولوژی اوبرازلارینی تجسم ائتدیره‌ن خالچا - فوتو

باکینین "آلماز بویونباغی‌سی" - فوتورئپورتاژ

اس اس ار ای-ده گؤزل‌لیگی ایله شهرت قازانان آذربایجان‌لی آکتریسالار - فوتو

تبریز خالچاچی‌لیق مکتبی: سراب خالچالاری - فوتو

تبریزین تاریخی کؤرپوسو: ایپک یولونون اساس المنتی - فوتو

باکینین اسرارنگیز تاریخی عابده‌لری - فوتو

تبریزده «شاعرلر مقبره‌سی»نده سومسوک ایتلر یووا سالیب – فوتو

توریستلره اونیکال قار ایله‌نجه‌سی یاشادان بوز سینه داغی

آذربایجان داش پلاستیکاسی: داش سالنامه موزئیی

خبر خطّی
 
Axar.az'da reklam Bağla
Reklam
Bize yazin Bağla