تبریز خالچاچیلارینین توخودوقلاری ان مشهور خالچاچی‌لیق نمونه‌سی «شیخ صفی» خالیسی‌دیر. اون آلتینجی عصره عایید صنعت اثری حال-حاضیردا لوندونون ویکتورییا و آلبرت موزئیینین شاه اثرلرین‌دندیر.

تبریزده توخونموش «لچک تورونج» کومپوزیسییالی مشهور «شیخ صفی» خالی‌سینین تاریخی ۱۵۳۹-جو ایله عاییددیر.

بو، ۱۵۳۹- جو ایلده صفوی حکمداری ۱-جی تهماسیبین سیفاریشی ایله اردبیل مسجیدی اوچون توخونموشدور. ۱۸۹۳ جو ایلده همین خالچانی اینگیلیسلر آلاراق لوندونا آپارمیشلار. ائنی ۵،۳۴ م، اوزونلوغو ۱۰،۵۱ م، ساحه‌سی ۵۶،۱۲ م اولان خالچا دونیا موزئیلرینده ساخلانیلان ان نادیر خالق صنعتی نمونه‌لرین‌دندیر. بزکلری گول-چیچک رسملریندن عبارتدیر. زنگین رنگ چالارلاری وحدت تشکیل ائدیر. خالینین مرکزینده یئرلشن غنچه گونشی، اونون اطرافین‌دا دایره شکلین‌ده دوزولموش خیردا گوللر هاله‌نی، یاشیل، قیرمیزی، ساری رنگلی ۱۶ کیچیک دایروی قوببه ایسه گونش شعالارینی عکس ائتدیریر. همین کومپوزیسییانین یوخاری و آشاغی حیصه‌لرین‌ده زنگین بزک‌لی، قیرمیزی و شکری رنگ‌لی قندیل تصویری واردیر. اطراف‌داکی سایسیز حساب‌سیز الوان ناخیشلار کاینات‌داکی اولدوزلارین رمزیدیر. آذربایجان خالچاچی‌لیق مدنیتینین عوضسیز اینجی‌سی اولان بو مکمل صنعت اثرینین تکرار نسخه‌سی یارادیلمیش‌دیر. حاضردا همین اوزو کؤچورولموش نوجخه آذربایجان معاصر اینجه صنعت موزئیین‌ده سرگی‌لنیر.