آذربایجان پرزیدنتی الهام علیئو ترکمنستان خالق مصلحتینین صدری قربانقولو بئردی‌محمدووون دعوتی ایله آوگوستون ۲۲-ده ترکمنستانا ایشگزار سفره گئدیب. ترکمنستان آذربایجانین مرکزی آسیادا اساس تجارت طرفداشلاریندان بیریدیر.

Axar.az خبر وئریر کی، بو سؤزلری ملت وکیلی، اقتصادچی عالیم وقار بایراموو قید ائدیب.

«۲۰۲۴-جو ایلده انرژی قیمتلری و حجمینین آزالماسینین تجاری علاقه‌لریمیزه تاثیرلرینه رغماً اؤتن ایل قارشیلیقلی دورییه ۲۰۲۱-جی ایلله مقایسه‌ده ۳ دفعه‌دن چوخ آرتیب. اؤلکه‌لر آراسیندا تجارت دورییه‌سی ۲۰۲۱-جی ایلده ۱۰۵.۱ میلیون دلار، ۲۰۲۲-جی ایلده ۵۳۵.۲ میلیون دلار، ۲۰۲۳-جو ایلده ۷۷۳.۹ میلیون دلار و نهایت ۲۰۲۴-جی ایلده ۳۸۳.۷ میلیون دلار اولوب.

اؤتن ایل مرکزی آسیا دولتلری آراسیندا ۴۷۰.۴ میلیون دلارلیق ادخال و اخراجیمیز اولان قازاخستان‌دان سونرا ایکینجی ان بؤیوک تجارت امکداشلیغی ترکمنستانلا قیده آلینیب. ۲۰۲۳-جو ایلده ایسه همین رگیوندا آذربایجانین ان بؤیوک تجارت دورییه‌سی ترکمنستانلا اولوب.

گؤروندویو کیمی، دولتلر بیر-بیرلری اوچون واجیب طرفداشلار اولماقلا یاناشی، امکداشلیغین داها دا گئنیشلندیریلمه‌سی اوچون کفایت قدر بؤیوک پوتنسیال وار.