آوگوستون ۲۲-ده آذربایجان رسپوبلیکاسینین پرزیدنتی ایلهام علیئو، ترکمنستان خالق مصلحتینین صدری قوربانقولو بئردی‌محمداف و ازبکستان رسپوبلیکاسینین پرزیدنتی شوکت میرزیایئو تورکمنباشی شهرین‌ده «آخالتکه» آتلارینا و میللی «گالکینیسه» آتلی گروپونون چیخیشینا باخیبلار.

Axar.az خبر وئریر کی، سون‌دا ترکمنستان خالق مصلحتینین صدری قوربانقولو بئردی‌محمداف ترکمنستان پرزیدنتی سردار بئردی بئردی‌محمدافون و تورکمن خالقینین آدیندان دولتیمیزین باشچیسینا «تاوس» لقبلی «آخالتکه» آتینی هدییه ائدیب.

داها سونرا خالق مصلحتینین صدری قوربانقولو بئردی‌محمداف ترکمنستان پرزیدنتی سردار بئردی‌محمدافون و ترکمن خالقینین آدیندان اؤزبکستان پرزیدنتی شوکت میرزیایئوه دوه هدیه ائدیب.

تدبیرده چیخیش ائد‌ن قوربانقولو بئردی‌محمداف دئدی: حرمتلی جنابلار. عزیز دوستلار. عزیز دوستوم.

ترکمنستان پرزیدنتینین و بوتون ترکمن خالقینین آدیندان بو سرتیفیکاتی قارداشیم، آذربایجان رسپوبلیکاسینین پرزیدنتی ایلهام علیئوه تقدیم ائتمک ایسته‌ییرم. بیز ترکمنلرده دئییرلر کی، «آت خالقین دایاغی‌دیر». ترکمنلرین دئدیی کیمی، «آت خوشبخت‌لیک گتیریر». آتین آدی «تاوس»دور. بو آد «یاشاسین ترکمنستان، آذربایجان، ازبکستان!» معناسینی ایفاده ائدیر.

تشکر ائدیره‌م.

پرزیدنت ایلهام علیئو دئدی:

«عزیز قارداشیم قوربانقولو ملیکقولیئویچه بو گؤزل هدیه‌یه گؤره درین میننتدارلیغیمی بیلدیرمک ایسته‌ییرم. «آخالتکه» آتی دنیادا مشهوردور، ترکمن خالقینین، ترکمنستانین میللی برئندی‌دیر. بوتون جهاندا گؤزل آدا لاییق اولان بیر آتدیر و بو هدیه دوستلوق، قارداشلیق رمزی‌دیر. اونو دا دئمه‌لییه‌م کی، بیلدییمیز کیمی، ترکمن و آذربایجان خالقلاری قارداش خالقلاردیر. عینی زامان‌دا، بیزی بیرلشدیره‌ن اودور کی، هم ترکمنلرین، هم ده آذربایجانلیلارین اؤز آت جینسی وار - «آخالتکه» و قاراباغ. نئجه کی، بیز قارداشیق، اونلار دا قارداشدیرلار. بیر داها تشکر ائدیره‌م. بورادا گؤزل آت شووسونو بیزه نماییش ائتدیره‌ن ایگیدلریمیزه ده درین میننتدارلیغیمی بیلدیریرم. آفرین اولسون سیزه».