آذربایجان، تورکمنیستان و اؤزبکیستان رئگیونال و گلوبال میقیاس‌دا صلحون، ثابیتلیین، اعتیمادین و قارشیلیقلی آنلاشمانین محکمله‌نمه‌سینه خیدمت ائد‌ن استراتژی طرفداشلیغین هرطرفلی محکملندیریلمه‌سی استیقامتین‌ده اوزون‌مدتلی کورسون سارسیلمازلیغینی تصدیقله‌ییر.

Axar.az خبر وئریر کی، بو باره‌ده آذربایجان پرزیدنتی ایلهام علیئو، اؤزبکیستان پرزیدنتی شوکت میرزیایئو و تورکمنیستان خالق مصلحتینین صدری قوربانقولو بئردی‌محمدافون آوگوستون ۲۲-ده تورکوستان‌دا کئچیریلن اوچطرفلی ساممیتین یئکونلاری اوزره قبول ائتدیکلری بیرگه بیانات‌دا دئییلیر.

تورکمنیستان خاریجی ایشلر ناظیرلیینین سایتیندا درج اولونان سندده قارشیلیقلی امکداشلیغین اوچ خالقین چوخ‌عصرلیک دوستلوق، مهربان قونشولوق و قارشیلیقلی دستک روحون‌دا داوام ائتدیریلجه‌یی قید اولونور.

طرفلر ان یوکسک و یوکسک سوییه‌ده سیخ تماسلارین داوام ائتدیریلمه‌سینین، اوچ اؤلکه‌نین خاریجی سیاست فعالیتین‌ده قارشیلیقلی فعالیتین و معاصر چاغیریش و تهدیدلره قارشی بیرگه مبارزه ساحه‌سین‌ده امکداشلیغین درینلشدیریلمه‌سینین واجیبلیینی وورغولاییبلار.

لیدرلر همچینین بین‌الخالق و رئگیونال تشکیلاتلار، خصوصیله ده ب‌ام‌ت چرچیوه‌سین‌ده دولتلر آراسیندا امکداشلیغین گوجلندیریلمه‌سینی داوام ائتدیرمک باره‌ده راضیلیغا گلیبلر.