اسرائیلین باش ناظری بنیامین نتانیاهو بو فیکرینی هئچ واخت دیله گتیرمه‌میشدی، ایندی ایسه آچیق-آشکار بیلدیریر کی، او، فلسطین دولتینین یارانماسینا اجازه وئرمه‌یه‌جک.

بو سؤزلری Axar.az-آ آچیقلاماسیندا پولیتولوگ توراب رضایئو اسرائیلین باش ناظری بنیامین نتانیاهونون فلسطین دولتینین اولمایاجاغی ایله باغلی سؤزلرینی شرح ائدرکن دئییب.

«نتانیاهو بوندان اؤنجه ده غزه زولاغینداکی بوتون اهالینین کؤچورولمه‌لی اولدوغونو بیلدیرمیشدی. اونلار غزه‌ده ۲،۵ میلیون انسان عوضینه ۲۰۰ مین نفر ساخلاماغی پلانلاشدیریر و همین اراضییه اسرائیل اوردوسونو یئرلشدیرمک ایسته‌ییرلر.

همچینین نتانیاهو چیخیشی زامانی قید ائتمیشدی کی، اردن چایینین غرب ساحلینی الحاق ائتمه‌یی هدفله‌ییر. آنجاق بعضی اؤلکه‌لر آچیق شکیل‌ده بیلدیردیلر کی، بئله بیر آددیم آتاجاغی حالدا اونلار فلسطینین مستقیللیینی تانییاجاقلار.

بوندان علاوه، بؤیوک بریتانییا، کانادا و س. کیمی اؤلکه‌لر ده فلسطینی تانییا بیله‌جکلرینی و اسرائیلین بعضی شخصلرینه قارشی سانکسییا قویا بیله‌جکلرینی بیلدیریبلر. خاطیرلادیم کی، اسرائیلین ناظرلر کابینتی‌نین اولتراساغ عضولرینه قارشی بئش غرب اؤلکه‌سی سانکسییا تطبیق ائتمیشدی.

آنجاق سون حادثه‌لر اونو گؤستردی کی، نتانیاهو هئچ ده بو فیکریندن گئری دؤنن دئییل. ساده‌جه اردن چایینین غرب ساحلی پلانینی هله‌لیک دایاندیریب. قطره اولان هجوم دا نتانیاهونون عرب اؤلکه‌لرینین فیکیرلرینی چوخ دا جدییه آلمادیغینی بیر داها ثبوت ائتدی. بورادا آرتیق چوخ چیخیلماز وضعیت یارانیب. چونکی نتانیاهو فلسطین دولتینین یارانماسینی ایسته‌میر. آنجاق فلسطین‌ده ۷ میلیونا یاخین انسان وار و اونلارین عاقبتی سئوال آلتین‌دادیر. اونلاری غزه‌ده‌کی کیمی سورگون ائدیب سایلارینی آزالدا، یا دا سویقیریما معروض قویا بیلرلر.

فیکریمجه، نتانیاهونون اؤزونون ده الحاقلا باغلی فیکیرلری وار، آنجاق بونو هانسی فورمادا ائدجه‌یی ایله باغلی یئکون قراری یوخدور. همچینین بو پلان دنیا اجتیماعیتی طرفیندن جدی شکیل‌ده قینانیلاجاق.

بوتون آوروپا اؤلکه‌لری و آمریکا بو مسئله‌یه گؤره اسرائیلی قیناییر. اونا گؤره ده نتانیاهو بونلاری نظره آلاراق حاضردا اویون اویناییر و بونون نتیجه‌سینین نئجه اولاجاغی ایسه هله‌کی بللی دئییل»، - دئیه رضایئو بیلدیریب.