حاضردا ایران و آذربایجان آراسین‌دا دؤرد سرحد-کئچید منطقه‌سی فعالیت گؤستریر. بونلار آستارا، بیلسوار، جلفا و شاهتختی-پلدشت استقامتینده‌کی سرحد-کئچید منطقه‌لریدیر.

Axar.az خبر وئریر کی، بو سؤزلری ناخچیوان‌دا سفرده اولان ایران سفیری مجتبی دمیرچیلو دئییب.

دیپلمات بیلدیریب کی، قارشی‌داکی آیلاردا آغبند-کلاله رگیونون‌دا یئنی کئچید منطقه‌سی آچیلاجاق.

سفیر بو گونلرده هم آذربایجان، هم ده ایران طرفین‌دن آغبند-کلاله آوتوموبیل کؤرپوسونه باخیش کئچیردیینی دقته چاتدیریب:

«ایشلر چوخ یاخشی گئدیر، دکابرین سونونا کیمی کؤرپونون تیکینتی‌سی بیته‌جک. عینی زمان‌دا، کئچید منطقه‌سی اوزره بعضی قوروملارین حاضرلیق ایشلری داوام ائدیر. بو ایسه او دئمکدیر کی، آذربایجان و ایران آراسین‌دا اقتصادی علاقه‌لری داها دا گئنیشله‌ندیرمک اوچون یئنی امکانلار یاراناجاق. بیلدیینیز کیمی، سون ۳۰ ایل عرضینده ناخچیوان مختار رسپوبلیکاسی ایران اراضی‌سیندن استفاده ائتمکله آذربایجانین دیگر بؤلگه‌لری ایله سربست و راحت شکل‌ده علاقه ساخلاییب».

او قید ائدیب کی، یئنی آوتوموبیل کؤرپونون استفاده‌یه وئریلمه‌سی ایله ناخچیوانین آذربایجانین اساس حصه‌سینه چیخیشی داها قیسا و آز واختلا ممکون اولاجاق:

«بوندان باشقا، همین استقامتده باشقا اینفراستروکتور و قوروجولوق ایشلری ده آپاریلیر. یول بعضی یئرلرده داغلیق اراضیلردن کئچدیی اوچون خصوصیله قیش آیلارین‌دا چتین‌لیکلر اولوردو. بونا گؤره ده یئنی تونللر تیکیلیر و من همین تونللره ده باخدیم. ایشلر چوخ یاخشی ایرلیلییر، بعضی حصه‌لرده یول گئنیشلندیریلیر. عمومی‌لیکده، وضعیت چوخ یاخشی‌دیر و بو ایشلر اقتصادی علاقه‌لرین داها دا انکشافینا سبب اولاجاق، همچنین ناخچیوانین آذربایجانین دیگر حصه‌لری ایله علاقه‌سینی آسانلاشدیراجاق».

سفیر اونو دا قید ائدیب کی، ناخچیوانین ایکی‌طرفلی علاقه‌لرده چوخ مهم رولو وار:

«خاطیرلاییرام کی، ۱۹۹۲-جی ایلده آذربایجان رسپوبلیکاسینین عموم‌ملی لیدرینین حیدر علیئوین ایرانا سفری چرچیوه‌سینده چوخ بؤیوک راضیلاشمالار الده اولوندو. همین راضیلاشمالار اساسین‌دا ناخچیوان–ایران، ائلجه ده عمومی‌لیکده ایران–آذربایجان علاقه‌لری انکشاف ائدیب. ایندی ناخچیوان ائله بیر وضعیتده‌دیر کی، هم اقتصادی، هم ده دیگر ساحه‌لرده بؤیوک انکشاف الده اولونوب. عینی زمان‌دا، آذربایجانین غلبه‌سی و اشغال اولونموش تورپاقلارین آزاد ائدیلمه‌سی یئنی امکانلار یارادیب. بو صلح، امین-آمانلیق بیزه گئنیش امکانلار یارادیر».

مجتبی دمیرچیلو علاوه ائدیب کی، بوتون رگیون بو یئنی وضعیتدن بهره‌لنیر.