ایران اسلام رسپوبلیکاسی ایله اسرائیل آراسیندا محاربه‌نین ایکینجی مرحله‌سینین باشلانماسی احتمالی یوکسکدیر و بو بیرینجی محاربه‌دن داها شدتلی اولاجاق.

Axar.az خبر وئریر کی، بو، آبش-نین " ایسترئت" تشکیلاتینین حساباتین‌دا یازیلیب.

اسرائیلی حمایه ائد‌ن لیبرال ژ ایسترت تشکیلاتی هر ایکی طرفین یئنی محاربه‌یه داها جدی حاضرلاشدیقلارینی قید ائدیب.

حسابات‌دا آتشکسله باغلی راضیلاشمانین اولمادیغی دقته چاتدیریلیر و بونا گؤره ده محاربه‌نین هر آن باشلایا بیلجیی بیلدیریلیر:

"راضیلاشما و یا آتشکس باره‌ده رسمی یازیلی سند یوخدور و ساکیتلیین داوام ائتمه‌سی اساساً آمریکا پرزیدنتی دونالد ترامپین اسرائیلین باش ناظری بنیامین نتانیاهونو حربی عملیاتلاردان چکیندیریب-چکیندیره بیلمیجییندن آسیلیدیر. بو چکیندیرمه ایسه قیسا مدتلی اولا بیلر".

"ژ ایسترئت" تشکیلاتی اسرائیل رسمیلرینین ۱۲ گونلوک محاربه‌نی ایرانلا بیرینجی محاربه آدلاندیردیقلارینی قید ائد‌رک، ایکینجی محاربه‌نین ده اولاجاغینا ایهام ووردوقلارینا دقت چکیر:

«اسرائیل رسمیلری نوبتی هجوملارین داها گوجلو شکیلده ایرانین راکت پروگرامینا و حکومت ایستروکتورونا یؤنلجیینه اینانیرلار. دیگر طرفدن، ایرانین یئنی‌دن سورپریزله قارشیلاشماسی احتمالی آزدیر».

قید ائدک کی، ایرانین خاریجی ایشلر ناظری عباس عراقچی دونن "الجزیره" تله‌کانالینا وئردیی مصاحبه‌ده اسرائیلین اوردو و سپاه کماندیرلرینی ائولرینده اؤلدورمه‌سینی گؤزلنیلمز آدلاندیریب.

او، ایندی تهرانین محاربه احتمالینا قارشی یاخشی حاضرلاشدیغینی و سورپریزله قارشیلاشمایاجاغینی بیلدیریب.