تورکیه هله کی، سوریا دموکراتیک قوه‌لرینین (پ.کا.کا/ی.پ.گ ترور تشکیلاتی - رئد.) اؤلکه‌نین حکومت استروکتورلارینا اینتقراسیاسی اوچون هئچ بیر کونکرت آددیم گؤرمه‌ییب.

Axar.az خبر وئریر کی، بو باره‌ده «حریت» معلومات یاییب.

معلوماتا گؤره، بو پروسسه خاریجی و داخلی قوه‌لر مانع اولور:

«سوریا پرزیدنتی احمد الشرع و س.د.ق کماندیری مظلوم عبدی طرفین‌دن ۱۰ مارت‌دا امضالانان راضیلاشمایا اساساً، کورد دؤیوشچولر ایلین سونونا قدر کئچید حکومتینین سلاحلی قوه‌لرینه داخل ائدیلمه‌لی و اؤلکه‌نین شمال-شرقین‌ده یئرلشن هاوا لیمانلاری، گاز و نفت یاتاقلاری دا داخل اولماقلا، بوتون ملکی و حربی اوبیکتلر دمشقین نظارتی آلتینا کئچمه‌لیدیر. ایلین سونونا ایکی آیدان آز واخت قالیب، لاکین مقاوله‌نین حیاتا کئچیریلمه‌سی استقامتین‌ده بیر آددیم دا آتیلماییب. مارت راضیلاشمالارینین حیاتا کئچیریلمه‌سینه آمریکا و بؤیوک بریتانیاداکی معین قوه‌لر، اراضی‌سین‌ده یاشایان دروزلاردان سوریایا قارشی ایستیفاده ائد‌ن اسرائیل، ایران، ائلجه ده کورد قوه‌لرینین بیر سیرا نماینده‌سی مانع اولور. اونلار سؤزوگئ‌دن قوه‌لرین سوریا اوردوسونا داخیل ائدیلمه‌سینه قارشی چیخیر و بو پروسسی سابوتاژ ائدیرلر. آنکارا حساب ائدیر کی، س.د.ق اولجه اؤز بؤلمه‌لرینی دئیر الزور بؤلگه‌سین‌دن چیخارا، نفت و گاز یاتاقلاری اوزرینده نظارتی یئنی سوریا حاکمیتینه وئره بیلر. بوندان سونرا اونلارا سوریانین شمال-شرقین‌ده‌کی س.د.ق طرفیندن اداره اولونان نظارت منطقه‌لری وئریله بیلر کی، بو دا مارت راضیلاشماسینین اساس مدعاسینین - کورد بیرلشمه‌لرینین سوریا اوردوسونا داخل ائدیلمه‌سینین حیاتا کئچیریلمه‌سینی آسانلاشدیرار».