آذربایجان خالقینا و دولتینه تشکر ائدیریک.

Axar.az خبر وئریر کی، بو باره‌ده ایرانین آذربایجان‌داکی سفیری مجتبی دمیرچیلو سفیرلیک‌ده کئچیریلن مطبوعات کنفرانسیندا دئییب.

سفیر بیلدیریب کی، چتین گونلرده آذربایجان‌دان عنوانلانان همرای‌لیک مساژلاری ایران خالقی طرفیندن یوکسک قیمتلندیریلیر.

اونون سؤزلرینه گؤره، قارشیلیقلی دستک و همرای‌لیک ایکی اؤلکه آراسینداکی تاریخی و مدنی باغلارین بیر حیصه‌سی‌دیر.

سفیر چیخیشیندا، همچینین آذربایجان رسپوبلیکاسینین پرزیدنتی ایلهام علیئوین ایران پرزیدنتینه عالی رهبرین اؤلومو ایله باغلی باشساغلیغی وئردیینی و ایرانا گؤستریلن دسته‌یی یوکسک قیمتلندیردیکلرینی وورغولاییب: "آذربایجان خارجی ایشلر ناظری جیحون بایرام‌اف‌لا ایرانین خارجی ایشلر ناظری عباس عراقچی آراسیندا تلفون دانیشیغی باش توتوب. دانیشیق زامانی رئگیوندا باش وئره‌ن پروسسلر اطرافیندا فیکیر مبادیله‌سی آپاریلیب. تلفون دانیشیغی چرچیوه‌سینده آذربایجان طرفی بیر داها وورغولاییب کی، اؤلکه اؤز اراضی‌سیندن هر هانسی دولته، او جمله‌دن ایرانا قارشی استفاده اولونماسینا یول وئرمه‌یه‌جک. بو مؤقع رسمی باکی طرفیندن دفعه‌لرله بیان ائدیلیب".