دفعه‌لرله ایران طرفینه، خصوصیله کئچن ایل باش وئرمیش توقوشمالاردان سونرا بیلدیریلمیشدیر کی، آذربایجان اراضی‌سین‌دن هئچ بیر قونشو دولته قارشی استفاده اولونمایاجاق. بیز بونا امکان وئرمیجییک، نئجه کی، هئچ واخت بو گونه قدر امکان وئرممیشیک.

Axar.az خبر وئریر کی، بو سؤزلری پرزیدنت الهام علیئو تهلوکه‌سیزلیک شوراسینین اجلاسیندا سؤیله‌ییب.

« دوزدور، کئچن ایلین یای آیلاریندا و اوندان سونراکی دورده ایراندان بیزه اساس‌سیز اتهاملار ایر‌لی سورولوردو. ایرانین دولت قوروملارینین نظارتینده اولان مئدیا رسورسلاری آذربایجانی لکه‌له‌مک، ایران‌دا یاشایان سویداشلاریمیزین فیکرینی دییشدیرمک اوچون آذربایجانا قارشی چیرکین، شر-بهتان کامپانییاسی آپاریردی. چونکی یاخشی بیلیرلر کی، بو گون مستقل آذربایجان دولتی ایران‌دا یاشایان بیر چوخ آذربایجان‌لیلار اوچون ده امید یئریدیر. یعنی بیزی لکه‌له‌مک، بیزی شرله‌مک، گؤزدن سالماق ایران اجتماعیتی قارشی‌سیندا بو مقصدی گودوردو. چونکی بونون هئچ بیر اساسی یوخ ایدی. آذربایجان نه او واخت، نه ده بو دفعه ایرانا قارشی اولان عملیاتلاردا اشتراک ائتمیر و ائتمه‌یه‌جک. چونکی بیزیم موقعیمیز بوندان عبارتدیر»،-علیئو قید ائدیب.