خبر وئردییمیز کیمی، بو گون آذربایجان پرزیدنتی ایلهام علیئو ایران‌دان ناخچیوانا پوا هجومو ایله باغلی تهلوکه‌سیزلیک شوراسینین اجلاسینی کئچیریب.

Axar.az خبر وئریر کی، چیخیشی زمانی ایلهام علیئو ایرانین بو آددیمینی ترور هجومو آدلاندیریب، ناخچیوان بین‌الخالق هوا لیمانی، اونون ترمینال بناسی، مکتب و دیگر استقامتلرین ایران طرفیندن نامرد آتشه معروض قالماسینا سرت رئاکسییا گؤستریب.

پرزیدنت چیخیشیندا اؤتن ایل ایرانین دولت قوروملارینین نظارتینده اولان مدیا رسورسلارینین آذربایجانی لکه‌له‌مک، ایران‌دا یاشایان سویداشلاریمیزین فکرینی دییشدیرمک اوچون آذربایجانا قارشی چیرکین، شر-بهتان کامپانییاسی آپاردیقلارینی دا خاطیرلادیب:

«چونکی یاخشی بیلیرلر کی، بو گون مستقل آذربایجان دولتی ایران‌دا یاشایان بیر چوخ آذربایجان‌لیلار اوچون ده امید یئریدیر».

پرزیدنت ایلهام علیئوین ایرانین آددیملارینا سرت رئاکسییاسی گونئیده بؤیوک رزونانسا سبب اولوب.

گونئیلی سیاسی-مدنی فعاللار پرزیدنت ایلهام علیئوین چیخیشینی بؤیوک سئوگی و جوشغو ایله قارشیلاییبلار و آذربایجانلا، اونون رهبری ایله فخر ائتدیکلرینی وورغولاییبلار.