تانینمیش یازیچی، اصلا تبریزلی اولان حمید هریسچینین تبریزدن یایدیغی ویدئو-مراجعت قالماقالا سبب اولوب.

Axar.az خبر وئریر کی، ۲۸ فورال‌دا آمریکا و اسرائیلین ضربه‌لری ایله هلاک اولان علی خامنه‌اینین بؤیوک فوتوسو و ستار خانین هیکلی فونون‌دا مراجعت یایان حمید هریسچی ناخچیوانا هجوملا باغلی معلومات آلدیغینی بیلدیریر.

«تبریز شهرینده‌یه‌م، خبرلر گلدی کی، ناخچیوان شهرینه مرمیلر یاغیب. تسللی وئریرم دوغما خالقیما. ناخچیوان‌دا اؤلموش انسانلار، یاغمیش بمبالار اوچون تبریز باکییا تسللی وئریر. تبریزین اؤزونده ده وضعیت او قدر ده یاخشی دئییل.

تبریزده دئییرلر کی، ناخچیوانا دوشموش بو بمبالار ایران‌دان آتیلماییب، باشقا یئردن آتیلیب. هر حال‌دا، تبریزده بو سؤز-صحبت گئتمکده‌دیر. باش وئرمیش حادثه دریندن اؤیرنیلمه‌لیدیر، اؤنجه‌دن فکرلر دئمک هله تئزدیر»، - حمید هریسچی دئییب.

بیر چوخ اکسپرت، سوسیال شبکه استفاده‌چی‌سی ایسه بونو حمید هریسچینین دولتیمیزه ضد بو سؤزلرینی «مجبور ائدیلمه‌سی» کیمی قیمتلندیریبلر. بئله کی، حمید هریسچی حاضردا تبریزده‌دیر و معلوم وضعیتله باغلی آذربایجانا گله بیلمیر. احتمال ائدیلیر کی، او، بو ویدئونو یایماغا مجبور دا ائدیله بیلر.

آنجاق بوردا غریبه اولان نوانسلار وار:

۱. حمید هریسچی ناخچیوانا «بمبا یاغیشیندان» دانیشیر. حالبوکی ناخچیوانا درون هجومو باش وئریب؛

۲. حمید هریسچی ناخچیواندا اؤلنلردن بحث ائدیر، «تسللی وئریر»، هم ده تبریزین باکییا «تسللی‌سینی». حالبوکی ناخچیوان‌دا ۴ نفر خسارت آلیب، اونلاردان دا ۳-او آرتیق ائوه بوراخیلیب. یعنی خوشبختلیکدن اؤلوم حادثه‌سی باش وئرمه‌ییب.

بو، او دئمک‌دیر کی، حمید هریسچینین حادثه حاقین‌دا نرمال اینفورماسییاسی یوخ‌دور.

۳. حمید هریسچی نیه بو مراجعتی خامنه‌اینین پوستری قارشی‌سیندا ائدیر؟

۴. حمید هریسچی محاربه‌دن بیر نئچه گون اؤنجه تبریزه گئتمیشدی و محاربه باشلایاندان سونرا یوخا چیخمیشدی. ایکی گون اؤنجه محض آذربایجان کنسوللوغونون بیرباشا دسته‌یی ایله اونونلا علاقه قورولدو و حمید هریسچینین صحتینین قایداسین‌دا اولدوغو آچیقلاندی. بیلدیریلدی کی، معلوم وضعیتله باغلی حمید هریسچی ایله عائله‌سی ده تلفن علاقه‌سی ساخلایا بیلمیر.

اگر هریسچی ایله تلفن علاقه‌سی ساخلاماق ممکون دئییلسه، دئمک، اینترنته چیخیش امکانی دا یوخ‌دور. اونون حادثه حاق‌دا معلوماتسیزلیغی، «اؤلنلردن»، «بمبا یاغیشین‌دان» بحث ائتمه‌سی ده بورادان قایناقلانا بیلر. بس، اینترنته چیخیش امکانی اولمایان شخص بو ویدئو-مراجعتی نئجه و هانسی تاخیره‌سالینماز سببدن یایا بیلیر؟

۵. آذربایجان مختلف اؤلکه‌لرین وطنداشلارینی ایران‌دان تخلیه ائتمکله مشغولدور، همچنین اؤز وطنداشلاریمیز دا ایران‌دان چیخماق ایستییرلرسه، اونلارا درحال یاردیم ائدیلیر. تبریزده‌کی باش کنسوللوغون امکداشلاری اونون هارادا اولدوغونو معین ائدیب، عائله‌سینه معلومات وئره بیلیرلرسه، حمید هریسچینین تخلیه‌سینه ده یاردیم ائده بیلردیلر. حمید هریسچینین آذربایجانا قاییتماسینا مانع اولان ندیر؟