مسعود پزشکیان الهام علی‌یئوه زنگ ائدیب. تلفن صحبتین‌ده اساس دیقت‌چکن مقام پزشکیانین ناخچیوانا هجومون ایرانلا علاقه‌سینین اولمادیغی حاق‌دا سؤزلریدیر. هجوم ایران اراضی‌سین‌دن ائدیلیب، بونون تخریبات، یاخود مقصدیؤنلو شکیل‌ده اولماسی پروبلمی ده اونلارا عایددیر. بوتون حاللاردا مسئولیت ایرانین اوزرینه دوشور.

علی‌یئو تلفن صحبتین‌ده حادثه‌نین آراشدیریلماسینین واجیبلیینی قید ائدیب، پزشکیان دا آراشدیریلاجاغینی دئییب.

هرچند، ایران طرفینین حادثه‌نی عدالت‌لی آراشدیراجاغی شبهه آلتیندادیر.

بیرینجی‌سی، تهران‌داکی سفیرلییمیزه هجومون «آراشدیریلماسی» تجروبه‌سی وار: اوزون مدتدن سونرا هجومو ائد‌ن شخص جزالاندیریلسا دا، سفاریش‌چیلر مسئولیت‌دن کناردا قالدی؛

ایکینجی‌سی، ناخچیوان هجومونون بیرباشا سپاه-این پلانی اولدوغونا دایر اساس‌لی شبهه‌لر وار، بو باخیم‌دان، مسئله‌نین عدالت‌لی حلی احتمالی ضعیف‌دیر؛

اوچونجوسو، پزشکیان ساغلام یاناشما سرگیله‌سه ده، ایرانا فاکتیکی نظارت ائد‌ن سپاه-ین عینی مؤقع‌دن چیخیش ائتمدیی رئال‌لیغی وار: اونون قونشو اؤلکه‌لره هجوملارا گؤره عذر ایسته‌مه‌سی و هجوملارین دایاندیریلدیغی حاق‌دا فکرلرینین رژیم داخیلین‌ده تنقیدله قارشیلانماسی، حتی تکزیب ائدیلمه‌سی ده بوندان قایناقلانیر؛

او دا نظره آلینمالیدیر کی، پزشکیانین علی‌یئوه زنگی سپاهین آذربایجانی تهدید ائتمه‌سی فونوندا باش وئریر. بو باخیم‌دان، حادثه‌نین عدالتلی آراشدیریلاجاغی گؤزلنتی‌سی آز اولماقلا یاناشی، سپاهین آذربایجانا یئنی هجوم جهدلرینین اولاجاغی ریسکی ده قالیر.

باکینین طلبلری ایسه دییشمیر: حادثه آراشدیریلمالی، گوناهکارلار مسئولیته جلب اولونمالی‌دیر. عکس تقدیرده، سرت مؤقع داوام ائد‌جک.