ایران خارجی ایشلر ناظرلیینین سؤزچوسو اسماعیل بقایی ده آمریکانین اصفهان‌دا حیاتا کئچیردیی یئروستو عملیات حاقدا «نووه اوغورلوغو» ادعاسینی تکرارلاماغی لازیم بیلیب. گویا «نووه اوغورلوغو» ادعاسی دوغرولارسا، عملیات محتشملیینی ایتیرر...

۳۰۰ میلیون خرج

مشاهیده‌چیلر، اکسپرتلر، پولیتولوگلار اساساً بونا دقت چکیرلر: بو عملیات‌دا آمریکا ایکی ج-۱۳۰ طیاره‌سی، ایکی هلیکوپتر ایتیریب، همچینین باهالی پوا-سی وورولوب. دوغرودانمی بیر پیلوت اوچون تخمیناً ۳۰۰ میلیون دلارا چاتان عملیات حیاتا کئچیریلیب؟

اینانماق ایسته‌میرلر و کونسپیرولوژی نظریه‌لر اورتایا آتیبلار: پیلوت داغلیق اراضیده، بویر-احمد استقامتینده (سرحده یاخین) ایدی، بوندان اؤترو کهگیلویه و بویر-احمدین سرحده یاخین اولان اراضی‌سینده دئییل، عکس طرفینده، اصفهان ایالتینده نیه عملیات کئچیریلیر؟ نیه یوزلرله خصوصی تعییناتلی، هم ده گوندوز واختی عملیات آپاریر؟

بو و دیگر سئواللار «زنگینلشدیریلمیش و آز قالا ۱۰۰ متر تورپاق آلتیندا قالان اورانین چیخاریلاراق آپاریلماسی» ادعاسینی گونده‌مه گتیریب.

اما فردو و نطنز اصفهان ایالتینین شمال سرحدینده‌دیر - عملیات نیه ایالتین جنوبون‌دا اولسون؟

دیگر طرفدن، یوز متر درینلیک‌ده اولان زنگینلشدیریلمیش اورانی چیخارماق اوچون تکنیکانین گتیریلمه‌سی، اونا صرف ائدیلن واخت سرعتلی عملیاتین طلبلرینه جواب وئرمیر!

اصفهان‌دا نووه اوبیئکتی وار، آنجاق اوردا زنگینلشدیریلمیش اوران یوخدور و اونا گؤره بو احتیمالین دا عکس-آرگومئنتی وار.

ایرانین ایمیجی دارماداغین ائدیل‌ی

غریبه‌دیر کی، داها درین احتیماللار ایر‌لی سوره‌نلر عادی، گؤزله گؤرونه‌نلری وورغولاماق ایسته‌میرلر:

- بو عملیات یاخین شرقین ان قدرتلی گوجلرین‌دن بیرینین اراضی‌سینده باش وئردی؛

- آمریکا طیاره‌دن دئسانت آتمادی، عملیات «یئراوستو» اولدو: نقلیات طیاره‌لری، هلیکوپترلر ایرانین مرکزینده یئرلشن اصفهان ایالتینه اوچوب گلدیلر و یئره ائندیلر؛

- آمریکا فاکتیکی اولاراق بیر نئچه ساعتلیق «آئرودروم» دوزلتدی، آلچاق‌دان نقلیات طیاره‌لری ایران اوردوسونون، سپاه-ین گؤزو قارشی‌سیندا اوچوب گلیب اورا دوشدو، خصوصی تعیینات‌لیلار او نقلیات طیاره‌لریندن چیخیب عملیاتا باشلادیلار؛

- آمریکا زده‌لنه‌ن ایکی نقلیات طیاره‌سینی اؤزو محو ائتدی، آنجاق یئنی نقلیات تییاره‌لری گؤندریب، خصوصی تعیینات‌لیلارینی ف-۱۵-این خلاص ائدیلن پیلوتو ایله بیرگه اوردان آپاردی. وورولان هلیکوپترلر ایسه سرحدی او تایا کئچه بیلدیلر...

مقایسه اوچون بیلدی‌رک کی، روسییا ۲۰۲۲-جی ایلده‌ن بری اوکراینا اراضی‌سینده، سرحد یاخینلیغیندا عملیاتا جهد ائدرکن ان ائلیت - پسکوو، کانتئمیر هوا-دئسانت دیویزییالارینی ایتیردی، اؤزو ده بیر نئچه دفعه. حالبوکی پسکوو روسییادا ان ساییلیب-سئچیلن دیویزییالاردان ایدی. اوکراینادا ایسه بو دیویزییا ان آزی ایکی دفعه محو ائدیلدی (بیرینجی دفعه محو ائدیلن‌دن سونرا دیویزییا یئنی‌دن تشکیل ائدیلمیشدی).

آمریکا ایسه اف-۱۵-ی ووردوغونو بیلدیره‌ن ایرانی هلیکوپترلر و حربی نقلیات طیاره‌لری ایله دؤوره ووراراق، سپاه-ین ایمیجینی دارماداغین ائتدی!

هئچ بیر اؤلکه بیر پیلوتا گؤره بونو ائتمزدی

هامی ۳۰۰ میلیون دلارلیق ایتکی‌دن، ۲ طیاره‌نین محویندن دانیشیر – آنجاق آمریکانین بیر عسگرینین بو عملیات زامانی نه‌اینکی اؤلمه‌سی، حتی یارالانمادیغینی دئمیر.

آمریکا خصوصی تعیینات‌لیلاری هئچ بیر جانلی ایتکی وئرمه‌دن عملیاتی باشا ووردو.

عکسینه، ایران هوا هجوموندان مدافعه سیستمینده چالیشان ۶ ظابطینین بو عملیات‌دا اؤلدویونو تصدیقله‌دی، آمریکالی پیلوتا یاخینلاشان ایران قوه‌لرینین ضررسیزلشدیریلدیینی ایسه آمریکا یاییب.

بو، ونزوئلادان سونرا آمریکانین حیاتا کئچیردیی ان محتشم، اینانیلماز عملیات‌دیر!

بو، آمریکانین سانکی چینه و روسییایا مئساژی‌دیر. ایران سماسیندا اف-۳۵-این زده‌له‌نمه‌سی، اف-۱۵-این ایسه وورولماسی سیرادان حادثه دئییل. بو قیریجیلاری کیم وورور؟ ایرانمی؟

آمریکا بو عملیاتلا سانکی قیریجیلارینین هئچ ده ایران هوا هجوموندان مدافعه سیستملری طرفیندن وورولمادیغینی، «داشین هارادان آتیلدیغینی» بیلدیینی و ایرانا نلر ائده بیلجه‌یینی نمایش ائتدیردی.

هئچ بیر اؤلکه بیر پیلوت اوچون بو قدر بؤیوک عملیات قوروب، اؤز اراده‌سینی دنیایا گؤسترمک ایستمزدی – آمریکادان باشقا!

آمریکا اؤز پیلوتونون قیمتینی هر کسه گؤستردی!

بئله بیر اوردونون عسگری نه‌لر ائتمز...