جمهوریت خالق پارتییاسیندا (ج.ح.پ) اؤزگور اؤزلین صدر سئچیلدیی قورولتایلا باغلی بیر ملت وکیلی اعتراض عرضه‌سی وئرمیشدی. ادعالاردا دئییلیردی کی، نماینده‌لره معین رشوتلر وئریلیب. لاکن بونونلا باغلی محکمه‌یه هئچ بیر کونکرت ثبوت تقدیم ائده بیلمه‌دیلر.

بو سؤزلری Axar.az-آ آچیقلاماسیندا تورکیه‌لی پولیتولوق انگین اؤزر تورکیه‌ده باش وئرن سون حادثه‌لر باره‌ده دانیشارکه‌ن دئییب.

اونون سؤزلرینه گؤره، بوندان سونرا آنکاراداکی یئرلی محکمه‌لردن بیری تورکیه‌نین جمهوریت خالق پارتیاسینین (ج.ح.پ) ۴-۵ نویابر ۲۰۲۳-جو ایل تاریخلرینده کئچیریلمیش ۳۸-جی قورولتایینین نتیجه‌لرینی لغو ائدیب، کمال کیلیچداراوغلو یئنیدن صدر وظیفه‌سینه قایتاریلیب:

«حالبوکی بو قورولتایدان سونرا جمهوریت خالق پارتییاسی (ج.ح.پ) اؤزگور اؤزلین رهبرلیی آلتیندا تاریخینده گؤرونمه‌میش درجه‌ده اوغورلو نتیجه‌لر الده ائتدی، خصوصیله ده یئرلی سئچکیلرده. حتی پارتیانین سس فایزی اقتدار پارتییاسینی دا گئریده قویدو.

یئرلی محکمه‌نین بئله بیر قرار وئرمه‌سی چوخ دا حقوقی گؤرونمور. چونکی اورتادا یوکسک سئچکی قورومو کیمی بیر اینستیتوت وار. بئله قرار جمعیتده جدی سوال یاراتدی.

بوتون بونلار بیر آرایا گلدیکده انسانلاردا بئله بیر فکر فورمالاشدی کی، تورکیه پرزیدنتی رجب طیب اردوغان یاخین زمان‌دا نوبه‌دن‌کنار سئچکی قراری آلا و یئنیدن نامزد اولا بیلر. بورادا مقصد مخالفتی یؤنله‌ندیرمک، یعنی سئچکی یاریشینا اؤز ایستدیی رقیبلرله چیخماقدیر.

بورادا ماراقلی مقام اودور کی، کوچه‌لره چیخان و دستک وئرن انسانلارین هامیسی ج.ح.پ طرفداری دئییل. انسانلار تورکیه‌ده آزاد سئچکیلرین داوام ائتمه‌سی اوچون مبارزه آپاردیقلارینی دوشونورلر».

پولیتولوق اعتراض ائد‌نلر آراسیندا لیبراللارین، کمونیستلرین، حتی محافظه‌کارلارین دا اولدوغونو دئییر:

«فرقلی سیاسی باخیشلارا صاحب چوخ سایدا انسان بیر آرایا گلیب. حتی اونلارین بلکه ده ۷۰-۸۰ فایزی ج.ح.پ طرفداری دئییل.

بوتون بو تضییقلر فونون‌دا اؤزگور اؤزل داها دا گوجلو بیر لیدر کیمی اؤن پلانا چیخدی. و گؤرونه‌ن اودور کی، قارشیداکی دورده کئچیریله بیله‌جک نوبه‌دن‌کنار پرزیدنت سئچکیلرینده مخالفتین اساس نامزدی اولا بیلر".