ارمنستان ایران استحصالی اولان آ.د-۰۸ «مجید» قیسامنزللی هوا هجوموندان مدافعه سیستمینی الده ائدیب.

Axar.az خبر وئریر کی، بونونلا دا ارمنستان سؤزوگئدن هوا هجوموندان مدافعه کمپلکسینین ایلک خارجی اپراتورو اولوب.

معلوماتا گؤره، سیستم ایران و ارمنستان آراسیندا ۲۰۲۴-جو ایلین ایولوندا امضالانمیش ۵۰۰ میلیون دلارلیق گیزلی سلاح مقاوله‌سی چرچیوه‌سینده تداروک ائدیلیب.

قید ائدک کی، آ.د-۰۸ «مجید» الکترو-اوپتیک و اینفراقیرمیزی هدف آشکارلاما سیستمی ایله چالیشیر و او، رادار سیگناللاریندان مینیموم استفاده ائتدیی اوچون آشکارلانماسی چتین حساب اولونور. آ.د-۰۸ «مجید» سیستمی درونلاری، هلیکوپترلری و آشاغی هوندورلوکده اوچان دیگر هوا هدفلرینی محو ائتمک اوچون نظرده توتولوب. کمپلکس همچنین قانادلی راکتلره قارشی یاخین مسافه‌لی مدافعه تامین ائدیر. سیستم هوا هدفلرینی الکترو-اوپتیک و اینفراقیرمیزی آوادانلیقلار واسطه‌سیله آشکارلاییر، رادار استفاده ائتمه‌دن اونلاری گیزلی شکلده ایزله‌یه‌رک ضررسیزلشدیره بیلیر. آ.د-۰۸ «مجید» عینی آندا بیر نئچه هدفه قارشی فعالیت گؤسترمک امکانینا مالکدیر. موبیل پلاتفورما اوزرینده یئرلشدیریلدیی اوچون سرعتلی مؤقع دییشه‌رک اپراتیو هوا مدافعه‌سی یاراتماغا امکان وئریر.