آمریکا پرزیدنتی دونالد ترامپ پرزیدنت ایلهام علیئوه خاطره هدیه‌سی کیمی قیدی ایله بیرلیکده آزادلیغا دستک آکتینین ۹۰۷-جی مادده‌سی اوزره استثنانین اوزادیلماسینا دایر مموراندومو گؤندریب.

آذربایجان پرزیدنتی بو آددیمینا گؤره ترامپا منردارلیغینی بیلدیریب و اونون نزاکتلی ژستینی یوکسک قیمتلندیردیینی سؤیله‌ییب.

Axar.az خبر وئریر کی، سیاسی شرحچی آصیف نریمانلی دئییب کی، ترامپین آزادلیغا دستک آکتینا ۹۰۷-جی دوزلیشین دایاندیریلماسی مدتینین اوزادیلماسی باره‌ده مموراندومو شخصی قیدی و امضاسی ایله بیرلیکده پرزیدنت ایلهام علیئوه خاطره هدیه‌سی اولاراق گؤندرمه‌سی واشینگتنون باکی ایله مناسبتلرین انکشاف خطینه صادق اولدوغو مساژینین وئریلمه‌سی کیمی قبول اولونا بیلر:

«اولجه اونو قید ائدیم کی، ترامپین بو هدیه‌نی محض ایندی – آمریکا دولت کاتبی مارک روبیونون ارمنستان سفریندن سونرا گؤندرمه‌سی تصادفی دئییل. عادتا آمریکالی رسمیلرین سفرلری رگیونال کاراکتر داشییر، دولت کاتبی ایسه یالنیز ارمنستانا سفر ائتدی و بونون سئچکیدن اؤنجه حیاتا کئچیریلمه‌سی باش ناظیر نیکول پاشینیانا دستک، او جمله‌دن، ایروانلا مناسبتلرین داوام ائتدیریلمه‌سی ماراغینین نمایشی ایدی.

ترامپ روبیونون سفریندن سونرا علیئوه خاطره هدییه‌سی گؤندرمکله هم بالانسی تامین ائدیر، هم ده باکی ایله مناسبتلرین واشینگتن اوچون اهمیتینی گؤستریر. بونو محض ۹۰۷-جی دوزلیشله باغلی ائتمه‌سی ده حسابلانمیش آددیمدیر. چونکی باکی-واشینگتن خطینده بو دوزلیش دایم پروبلملی مسئله اولوب، ترامپ دوزلیشی دوندوراراق، مناسبتلرده یئنی مرحله آچدی. باکییا گؤندردیی هدییه ایله ده ۹۰۷-جی دوزلیشله باغلی موقعیینین دییشمه‌دیینی سرگیلییر.

فکریمجه، ترامپ آدمینیستراسییاسینین رگیونال سیاستی، خصوصیله آذربایجانلا مناسبتلره اولان ماراقلاری نهایت ۹۰۷-جی دوزلیشین تمامیله لغوی مسئله‌سینی آکتواللاشدیرا بیلر. بونونلا باغلی قرار کنگرسده وئریلیر، حتی مثبت قرار وئریلمه‌سه بئله، بو دوزلیشین تمامیله لغوینین گوندمه گتیریلمه‌سی جدی حادثه اولار».