ایرانین و آذربایجانین خالقلاری چوخ‌سایلی تاریخ، سیویلیزاسیا، مدنیت، دین و دیل اورتاقلیقلارینا مالکدیرلر.

Axar.az خبر وئریر کی، بو فکرلر ایران پرزیدنتی مسعود پزشکیانین مستقللیک گونو مناسبتیله آذربایجان پرزیدنتی ایلهام علیئوه گؤندردیی تبریک مکتوبوندا قید اولونوب.

ایران پرزیدنتینین تبریک مکتوبوندا دئییلیر:

"ذاتی-عالیلری.

آذربایجان رسپوبلیکاسینین ملی بایرامی - مستقللیک گونو مناسبتیله سیزی و خالقینیزی صمیمی-قلبدن تبریک ائدیرم.

ایرانین و آذربایجانین خالقلاری چوخ‌سایلی تاریخ، سیویلیزاسیا، مدنیت، دین و دیل اورتاقلیقلارینا مالیکدیرلر. بو اورتاق باغلار اؤلکه‌لریمیزین خالقلاری آراسینداکی دوستلوغو محکملندیرمیش و سارسیلماز ائتمیشدیر. شبهه‌سیز کی، بیزیم قیریلماز باغلاریمیز ایکی اؤلکه آراسیندا مناسبتلرین انکشافی اوچون محکم زمین اولموشدور.

آذربایجان رسپوبلیکاسی مستقللیینی برپا ائتدیکدن سونرا ایران اسلام رسپوبلیکاسی هر زمان ایکی اؤلکه‌نین قارشی‌لیقلی علاقه‌لرینین انکشاف ینی دستکلمیشدیر. بیز شادیق کی، خالقلاریمیزین ایستک و آرزولارینا اویغون اولاراق بو گون اؤلکه‌لریمیز آراسینداکی مناسبتلرده دینامیک پروسسین شاهدییک.

امیدوارام کی، ایکی‌طرفلی، رگیونال و بین‌الخالق موضوع‌لارین گئنیش اسپکترینی احاطه ائد‌ن بو دینامیک پروسس داها یوکسک سرعتله داوام ائد‌جکدیر.

اوجا الله‌-دان ذاتی-عالینیزه محکم جانساغلیغی و موفقیتلر، آذربایجان رسپوبلیکاسینین خالقینا ایسه رفاه و امین-آمانلیق آرزولاییرام".