آذربایجان پرزیدئنتی ایلهام علیئو ایستانبول‌دا گئجه کلوبونا سلاحلی هوجوم نتیجه‌سین‌ده چوخسایلی اینسانین هلاک اولماسی ایله علاقدار تورکییه‌لی هملکاری رجب رایییب اردوغانا باش ساغلیغی وئریب.

آخار. آذ خبر وئریر کی، ایلهام علیئو خبردن چوخ سارسیلدیغینی دیله گتیریب.

"حؤرمتلی جناب پرئزیدئنت، عزیز قارداشیم، ایستانبول‌دا گئجه کلوبون‌دا بایرام شنلیینه توپلاشمیش اینسانلارا قارشی قددارجاسینا سلاحلی هوجوم تؤردیلمه‌سی، چوخ سایدا اینسانین هلاک اولماسی و یارالانماسی خبری بیزی اولدوقجا سارسیتدی.

بیز دینج اینسانلارا قارشی بو خاین عملیندن حدسیز درجه‌ده حیدت‌لنیر، تروریسمه قارشی ان سرت شکیل‌ده، قطعیت له و آردیجیل موباریزه‌نی دستکلییریک.

باش وئرمیش فاجعه ایله علاقدار کدرینیزی بؤلوشور، سیزه، هلاک اولانلارین عائله‌لرینه و یاخینلارینا، قارداش تورکییه خالقینا اؤز آدیمدان و آذربایجان خالقی آدیندان درین حزنله باش ساغلیغی وئریر، یارالانانلارا و خسارت آلانلارا شفا دیلییرم.

الله رحمت ائل‌سین!".