آپاریجی دؤولتلر او قرارا گلسه‌لر کی، اؤز مقددراتینی تعین ائتمه پرینسیپی اراضی بوتؤولویوندن اوستوندور، اوندا آذربایجان آوروپادا آلمانییا، بؤیوک بریتانییا، فرانسا، ایتالییادان سونرا ان بؤیوک دؤولته چئوریله بیلر.

آخار. آذ خبر وئریر کی، بو سؤزلری آذربایجان نامینه اجتماعی فورومون (آنیف) پرزیدنتی ائلدار نمازوو Musavat.com-آ گئنیش آچیقلاماسیندا بیلدیریب. پولیتولوگون فیکرینجه، حاضردا دونیادا پارچالانمیش میللتلر سیراسیندا بیرینجی یئرده محض آذربایجاندیر.

ائ. نمازوو قید ائدیب کی، بؤلگه‌ده ۴۰ میلیونلوق آذربایجان خالقی یاشاییر و بونون آنجاق ۱۰ میلیونو اؤز دؤولتینده مسکونلاشیب:

«آذربایجانین سرحدلرینده، هم جنوبی آذربایجاندا، هم گورجوستاندا، هم داغیستاندا میلیونلارلا آذربایجانلی یاشاییر. ۴۰ میلیونلوق آذربایجانلینین ۳۰ میلیونو بیزیم سرحدلریمیزده کومپاکت یاشاییر. اگر دونیا ایجتیمایتی، آپاریجی دؤولتلر او قرارا گلسه‌لر کی، اؤز مقددراتینی تعین ائتمه پرینسیپی اراضی بوتؤولویوندن اوستوندور، اوندا آذربایجان آوروپادا آلمانییا، بؤیوک بریتانییا، فرانسا، ایتالییادان سونرا ان بؤیوک دؤولته چئوریله بیلر. اونا گؤره بو پرینسیپله بیزه هئچ کیم هده-قورخو گلمه‌سین!»

الدار نمازوون سؤزلرینه گؤره، آذربایجان ساده‌جه اولاراق ایستییر کی، بین الخالق حقوق نورمالاری دقیق اولسون و بونا هامی رعایت ائلسین:

«بیز اراضی بوتؤولویو پرینسیپینی دستکلییریک، اونا گؤره کی، بو، بین الخالق حقوق نورماسینین پرینسیپی‌دیر. آنجاق رفرندوملارا قالسا، ائله ارمنیستاندان دپورتاسییا اولونموش آذربایجانلیلارا دا همین حقوق شامیل اولونمالیدیر، آذربایجانین سرحدلرینده کومپاکت یاشایان ۳۰ میلیونا یاخین آذربایجانلییا دا. اونا گؤره ده بیزیم هم قاراباغلا باغلی آپاریلان دانیشیقلاردا مؤوقعییمیز سرت اولمالیدیر، هم ده بین الخالق تشکیلاتلارلا آپاردیغیمیز موذاکیره‌لرده بو مسئله‌ده بیز داها آردیجیل اولمالیییق. نئجه کی، واختیله باقیروو «بیز اعتراض ائتمیریک، گلین، بو مسئله‌یه ده باخاق، دیگرینه ده» دئمکله بو مسئله نی گونده‌مدن چیخارتدی. بیز او جور سرت، عینی زاماندا بین الخالق حقوقا سؤیکه‌نه‌ن مؤوقیی اورتایا قویمالیییق».