پاشینیان بونونلا دا غربین بیر لاییحه‌سی اولدوغونو ثبوت ائتدی.

بونو Axar.az-آ پاشینیانین رهبرلیک ائتدیی «منیم آددیمیم» فراکسییاسین‌دان اولان میلت وکیلی، پارلامنت صدرینین معاوینی آلئن سیمونیانین ارمنیستانین دؤولت بایراغین‌دا خاچ عکس اولونماسینی تکلیف ائتمه‌سی حاق‌دا دانیشان سابیق دؤولت موشاویری قابیل حسین‌لی دئییب. او بیلدیریب کی، ارمنیلر همیشه موختلیف سیمووللارلا سیاسی آلوئره اوستونلوک وئریبلر:

«ایندی ده بو خسته‌لییه پاشینیان توتولوب. بو آددیملا اونلار خریستیان دونیاسینین دستیینی قازاناجاقلارینی گومان ائدیرلر. اونسوز دا خریستیان تعصب کئشلیگی قاراباغلا باغلی صولح یاراتما پروسسینه جدی ضربه ووروب. آنجاق سون واختلار پروبلئمین آناتومییاسی بین الخالق تشکیلاتلارا معلوم اولدوقجا خریستیان تعصب کئش‌لییی و ایکی‌لی ایستاندارتلار عاملی تدریجا آرخا پلانا کئچیر. بو معنادا پاشینیانین یئنی آددیمی تمثیل ائتدیی دؤولته هر هانسی اوستونلوک گتیرمه‌یه‌جک».

پولیتولوق قید ائدیب کی، بو کیمی آددیملار ماهیتی دییشمه‌یه دئییل، بیرباشا گؤرونتو یاراتماغا حسابلانیب:

«گورجوستانین کئچمیش پرزیدنتی میخایل سااکاشوی‌لی اؤز جمعیتین‌ده کؤکلو دییشیکلیکلر یاراداراق معین اجتماعی تکاموله نایل اولدوقدان سونرا گورجو بایراغینا خاچ ایشاره‌سی گتیردی. بونو هر نه قدر دوزگون حساب ائتمه‌سه‌م ده، دونیادا کاتولیک و پراووسلاو مذهبیندن اولان دؤولتلرین بیر قیسمینین بایراغیندا خاچ ایشاره‌سی وار. بو، هئچ ده دونیانی معاصر سیویلیزاسییالی اینکیشاف یولونا چکمیر، عکسینه بعضی مقاملاردا همین یول‌دا انگل کیمی چیخیش ائدیر. بونا باخمایاراق، سااکاشویلینین گؤردویو فوندامنتال ایشلر ایچریسینده «خاچلی بایراق اصلاحاتی» کوسمتیک گؤرونتو تأثیری باغیشلامادی. سااکاشویلیدن فرقلی اولاراق ایسه پاشینیانین سؤزوگئ‌دن آددیمی گولوش اوبیئکتینه چئوریله‌جک. چونکی پاشینیان هئچ بیر رئال سیاسی مؤقع، اقتصادی رئفورم اورتایا قویمادیغی حال‌دا کوسمئتیک گؤرونتویه قاچیر».

حوسینلینین سؤزلرینه گؤره، روسییادان فرقلی اولاراق، آمریکا داها چوخ سیاسی سیستم و دموکراتیک دیرلرینی تلقین ائتمکله اؤلکه‌لری اؤز تأثیری آلتینا سالیر:

«بونو یونگول فورمادا «مدنی ایمپریالیزم» ده آدلاندیرماق اولار. بئله کی، آمریکانین اکسپانسییا سیاستی دؤولتلرین و خالقلارین اینکیشافینا انگل تؤرتمیر، داها چوخ گئوستراتژی کاراکتر داشیییر. بو نقطه نظردن اونو کونکرت ایلحاق سیاستی ایله عینیلشدیرمک اولماز».

قید ائدک کی، ارمنیستانین باش ناظری نیکول پاشینیانین رهبرلیک ائتدیی «منیم آددیمیم» فراکسییاسین‌دان اولان میلت وکیلی، پارلامنت صدرینین معاوینی آلئن سیمونیا فیسبوک صحیفه‌سینده ارمنیستانین دؤولت بایراغین‌دا خاچ عکس اولونماسینی تکلیف ائدیب.

اونون بو تکلیفی ایسه پاشینیانین آمریکا لاییحه‌سی اولماسی، ارمنیستانین ایسه گورجوستان کیمی، غربین «بایراغی آلتینا» کئچمه‌سی، باشقا سؤزله دئسک، روسییانین اوردوسو یئرلشن اؤلکه‌یه غربین «بایراق سانجماسی» کیمی دیرلندیریلیر.