آنا صحیفه گوندم |
آپاریلان جدی اقتصادی اصلاحاتلار، شفافلیقلا باغلی گؤرولهن ایشلر بودجه داخیلولمالارینا دا مثبت تأثیر گؤستریب.
Axar.az خبر وئریر کی، بونو آذربایجان پرزیدنتی ایلهام علیئو اقتصادی و سوسیال مسئلهلرله باغلی کئچیردیی موشاویرهده دئییب.
«بیلدیرمهلییهم کی، تکجه ایلین بیرینجی آییندا داخیلولمالار کسکین آرتیب. وئرگی اورقانلاری پلاندان علاوه ۸۰ میلیون ماناتدان چوخ وسایت توپلامیشلار. گؤمروک اورقانلاری ایسه پلاندان علاوه ۲۰ میلیون ماناتدان چوخ وسایت توپلامیشلار و عمومی داخیل اولمالار ۱۰۵ میلیون مانات آرتمیشدیر، تکجه بیر آی عرضینده. بو، نیی گؤستریر؟ اونو گؤستریر کی، بو ساحهده آپاریلان اصلاحاتلار، شفافلیقلا باغلی آتیلان آددیملار اؤز نتیجهسینی وئریر. بو گون اصلاحاتلارین درینلشمهسی اوچون چوخ گؤزل شرایط یارادیلیبدیر»، - پرزیدنت بیلدیریب.
ایلهام علیئو بو ایلین بیرینجی آییندا دؤولت نفت فوندونون گلیرلرینین اهمیتلی درجهده آرتدیغینی وورغولاییب:
«یعنی بیزیم مالییه وضعیتیمیز یاخشیلاشیر، ثابت اولاراق قالیر و بو، البته، بیزه ایمکان وئریر کی، علاوه گلیرلری، ایلک نؤوبهده، وطنداشلارین سوسیال مدافعهسینه یؤنلدک. من بو مسئله ایله باغلی دفعهلرله اؤز فیکیرلریمی بیلدیرمیشم. هله کئچهن ایلین سونوندا بیلدیرمیشم و بو ایلین اولینده دئمیشم کی، بیز علاوه گلیرلری، ایلک نؤوبهده، وطنداشلارین سوسیال مدافعهسینه یؤنلتملیگیک. چونکی بو، بیزیم اوچون پریوریتئت مسئلهدیر، وطنداشلارین سوسیال ریفاهینین یاخشیلاشدیریلماسی ان باشلیجا وظیفهمیزدیر. بو ایستیقامتده آرتیق بیر چوخ جدی آددیملار آتیلیب و آتیلاجاق. عمومیتله، بیلدیرمک ایستییرم کی، ۲۰۱۹-جو ایل سوسیال اینکیشاف، اهالینین سوسیال مدافعهسی باخیمیندان باشقا ایللردن فرقلنهن ایل اولاجاقدیر.
تاریخ
2019.02.25 / 14:44
|
مولف
آیتاج آراز
|