آنا صحیفه گوندم |
ایرانین ارمنیستانا قوجاق آچماسی عضو اولدوغو ایسلام کونفرانسی تشکیلاتینین پرینسیپلرینه و موسلمانچیلیق ایدئولوژی خطینه ضیددیر. بونو ایران رسمیلری شعورلو شکیلده درک ائتسهلر ده، سیاسی ماراقلار و آنتیآذربایجان سیاستی ارمنیستانین ماراقلارینا قارشی چیخماغا ایمکان وئرمیر.
بو سؤزلری آخار. آز-آ آچیقلاماسیندا پولیتولوق قابیل حسینلی ایران پرزیدنتی حسن روحانی نین «تهران ایروانلا سیاسی و اقتصادی سفرالاردا موناسیبتلرینی درینلشدیرمک و اینکیشاف ائتدیرمکده قرارلیدیر» سؤزلرینه موناسیبت بیلدیررکن دئییب. او قئید ائدیب کی، ایران موستقیل آذربایجانین مؤوجودلوغونو و سرعتله اینکیشافینی هضم ائده بیلمیر:
«هئچ کیمه سیرر دئییل کی، تهران ارمنیستانلا نینکی اقتصادی علاقهلری اینکیشاف ائتدیریر، حتی ایرواندا حربی صنایع کومپلئکسی نین یارادیلماسیندا یاخیندان ایشتیراک ائتمک نیتیندهدیر. بئله گؤرونور کی، هر ایکی اؤلکه اقتصادی، سیاسی و حربی علاقهلری گئنیشلندیرمک ایستییر. موسلمان آذربایجانین اراضیلرینی ایشغال ائدن و «شیعه قارداشلارینی» قتله یئتیرن ارمنیستانا قارشی ایرانین بو سئوگیسی ادعا ائتدیی ایدئولوژی خطینه ده، خوش مراملی قونشولوق موناسیبتلرینه ده، معاصر بین الخالق موناسیبتلر سیستئمی نین اساس پرینسیپلرینه ده تامامن ضیددیر».
پولیتولوق آذربایجانین بوندان سونرا ایرانلا موناسیبتلرینه خصوصی دقت ائتمهلی اولدوغونو بیلدیریب:
«ایران حاضردا آبش-ین چوخ جدی سیاسی-اقتصادی تضییقی آلتیندا اولماسینا باخمایاراق، آذربایجان بو پروسئسه قوشولمور و ایرانلا اقتصادی-سیاسی علاقهلری قورویور. بئله دئیک، باکی قونشولاری ایله سیاستینده «خئییر گؤتورمک و خئییر وئرمک» پرینسیپینه صداقتینی نوماییش ائتدیریر. آنجاق اقتصادی سانکسییالار آلتیندا اینلهیهن ایران خئییر گؤتوردویو آذربایجان اوزینه، اقتصادی باخیمدان اونا یوک اولان ارمنیستانلا «اقتصادی علاقهلرینی» درینلشدیرمکده ایسرار ائدیرسه، دئمک، باکی دا موناسیبتلره یئنیدن باخا بیلر. حساب ائدیرم کی، آذربایجان حادثهلرین گئدیشینی تام شکیلده ایزلهییب اوندان سونرا بونا اویغون قرار وئرمهلیدیر».
قئید ائدک کی، ایران پرزیدنتی حسن روحانی ارمنیستان باش ناظرینین موعاوینی مقئر قریقوریانلا گؤروشو زامانی «تهران ایروانلا سیاسی و اقتصادی سفرالاردا موناسیبتلرینی درینلشدیرمک و اینکیشاف ائتدیرمکده قرارلیدیر»، دئیه بیلدیریب.
تاریخ
2019.07.06 / 09:20
|
مولف
Axar.az
|