اگر تورکییه ایله روسییا سورییا مسئله‌سین‌ده بیر-بیرینه گذشت مؤقعلرینی داوام ائتدیرسه‌لر، سورییادا صولح برقرار اولا بیلر.

بو سؤزلری آخار. آذ-آ پولیتولوق احد ممدلی آنکارادا تورکییه، روسییا و ایران دؤولت باش‌چیلارینین گؤروشونو و الده ائدیله‌ن نتیجه‌نی شرح ائدرکه‌ن دئییب. او بیلدیریب کی، بو گؤروش ۲۰۱۷-جی ایلده‌ن بری کئچیریله‌ن بئشینجی ان یوکسک زیروه گؤروشودور:

«آستانا فورماتین‌دا کئچیریلن بو زیروه گؤروشونون مقصدی تورکییه‌نین تهلوکسیزلیینی تعمین ائتمک و سورییا وطنداشلارینین دینج شرایط‌ده یاشامالارینا ایمکان یاراتماق‌دیر. همچینین بو گؤروش‌ده تورکییه‌نین روسییایا دا مئساژی اولدو. تورکییه بیلدیردی کی، اگر ایدلیب‌ده تورکییه‌نین حربی منطقه‌لرینین تهلوکه‌سیزلیکلری تعمین ائدیلمه‌یه‌جکسه، تورکییه اؤزو ایدلیبده بیرطرف‌لی شکیل‌ده تهلوکسیزلیینی تعمین ائد‌جک. روسییانین دا تورکییه‌یه مئساژی او اولدو کی، ایدلیب‌ده ترورچولار تام تمیزله‌نمه‌لیدیر. بو مؤقعلر ده توققوشان مؤقع اولدو».

پولیتولوق بیلدیریب کی، بو گؤروش‌ده اؤلکه‌لرین بیر-بیرلرینه باریشدیریجی، یاخینلاشدیریجی مؤقعلری داها چوخ اولدو:

«مثلاً، تورکییه-روسییا-ایران سورییانین اراضی بوتؤولویو مسئله‌سین‌ده عینی مؤقع‌ده دایاندیلار. بیلدیردیلر کی، سورییا پارچالانمامالیدیر، بؤلونمه‌مه‌لیدیر. همچینین، پوتین یئنی‌دن اردوغانی روسییایا دعوت ائتدی و پوتین قران آیه‌سین‌دن اردوغانا بیرلیک مئساژی وئردی. بو دا دیققتچکن مقام اولدو».

پولیتولوق بیلدیریب کی، روسییا مطبوعاتین‌دان فرق‌لی اولاراق، ایران مطبوعاتین‌دا بو گؤروش جدی تبلیغ اولونمادی:

«بو دا اونو گؤستریر کی، ایران‌دا محافظه‌کار-رادیکال قروپلار هله ده ایرانین بو مسئله‌ده گلدیی نتیجه‌لر، الده اولونان راضیلاشمالاردان ایرانا دوشن پایدان راضی دئییللر. اونلار حساب ائدیرلر کی، ایران سورییادا داها چوخ سؤز صاحبی اولمالیدیر. اولا بیلسین کی، همین محافظه‌کار-رادیکال قروپلارین روحانییه قارشی تضییقلری آرتاجاق».